'தலைவர் 168' படத்தின் இசையமைப்பாளர் அறிவிப்பு
- IndiaGlitz, [Wednesday,November 13 2019]
சூப்பர் ஸ்டார் ரஜினிகாந்த் நடித்த ’தர்பார்’ திரைப்படம் விரைவில் வெளியாக உள்ள நிலையில் அவர் அடுத்ததாக சன் பிக்சர்ஸ் நிறுவனத்தின் தயாரிப்பில் சிறுத்தை சிவா இயக்கத்தில் ஒரு படத்தில் நடிக்க உள்ளார் என்ற செய்தி ஏற்கனவே அதிகாரபூர்வமாக அறிவிக்கப்பட்டது
’தலைவர் 16’8 என்று அழைக்கப்படும் இந்த படத்தின் படப்பிடிப்பு விரைவில் தொடங்க உள்ள நிலையில், இந்த படத்தின் இசையமைப்பாளர் யார்? என்ற கேள்வி ரஜினியின் ரசிகர்கள் மனதில் எழுந்தது. இந்த நிலையில் இதுகுறித்த அறிவிப்பு சற்றுமுன் வெளியாகியுள்ளது. ’தலைவர் 168’ படத்தின் இசையமைப்பாளராக டி.இமான் அவர்கள் அறிவிக்கப்பட்டுள்ளார். இந்த தகவலை சன் பிக்சர்ஸ் நிறுவனம் அதிகாரபூர்வமாக தனது சமூக வலைத்தள பக்கத்தில் அறிவித்துள்ளது
இதனை அடுத்து டி.இமான் தனது சமூக வலைத்தளத்தில் கூறியதாவது: கடவுளின் அருளால் இந்த மேஜிக் நடந்துள்ளது என்றும் தலைவர் படத்தில் இசையமைப்பது என்பது தனக்கு கிடைத்த வரம் என்றும், மேலும் சன் பிக்சர்ஸ் மற்றும் இயக்குனர் சிவா அவர்களுடன் மீண்டும் இணைவதில் தனக்கு மிக்க மகிழ்ச்சி என்றும் இந்த வாய்ப்பை தந்த கடவுளுக்கு நன்றி என்றும் தெரிவித்துள்ளார்
சன் பிக்சர்ஸ் நிறுவனத்தின் முந்தைய படமான ’நம்ம வீட்டு பிள்ளை’ திரைப்படத்திற்கும், சிறுத்தை சிவாவின் முந்தைய படமான விஸ்வாசம் படத்திற்கும் டி இமான் இசையமைக்க நிலையில் தற்போது சன்பிக்சர்ஸ்-சிவா இணைந்து உள்ள படத்திற்கும் டி.இமான் அவர்களே இசையமைக்க உள்ளார் என்பது குறிப்பிடத்தக்கது
Immense Joy to score Music for #Thalaivar168 ! With God’s Magnificent Grace and with all your blessings will give my best! It’s an honour to work with @sunpictures and My dearest @directorsiva Sir once again,Post #NammaVeettuPillai and #Viswasam! #ImmanForThalaivar168 Praise God! pic.twitter.com/dgSstb7xPC
— D.IMMAN (@immancomposer) November 13, 2019
We are happy to announce that for the first time @immancomposer will be the music director for Superstar @rajinikanth’s movie #Thalaivar168@directorsiva#ImmanForThalaivar168 pic.twitter.com/vuvAMzw4Cg
— Sun Pictures (@sunpictures) November 13, 2019