சன்பிக்சர்ஸ்-விஜய்சேதுபதி இணையும் படத்தின் முக்கிய அறிவிப்பு!
- IndiaGlitz, [Wednesday,March 17 2021]
தமிழ் திரையுலகின் முக்கிய தயாரிப்பு நிறுவனங்களில் ஒன்றான சன் பிக்சர்ஸ் நிறுவனம் ஒரே நேரத்தில் ரஜினிகாந்த், விஜய், சூர்யா போன்ற பிரபல நடிகர்களின் படங்களை தயாரித்து வருகிறது என்பது தெரிந்ததே. அந்த வகையில் தற்போது சன் பிக்சர்ஸ் நிறுவனம் தயாரிக்கும் படத்தில் விஜய் சேதுபதியும் நடிக்க உள்ளார் என்ற செய்தி ஏற்கனவே வெளிவந்ததை பார்த்தோம்
இந்த நிலையில் தற்போது அந்த செய்தி உறுதிப்படுத்தப்படுகிறது. சன் பிக்சர்ஸ் நிறுவனத்தின் தயாரிப்பில் விஜய் சேதுபதி நடிக்கும் திரைப்படத்தை இயக்குனர் பொன்ராம் இயக்க உள்ளதாக அறிவிக்கப்பட்டுள்ளது. ஏற்கனவே இயக்குனர் பொன்ராம், சிவகார்த்திகேயன் நடித்த ’வருத்தப்படாத வாலிபர் சங்கம்’ ’ரஜினி முருகன்’ ‘சீமராஜா’ உள்பட ஒருசில படங்களை இயக்கியுள்ளார் என்பது குறிப்பிடத்தக்கது
இந்த நிலையில் இந்த படத்திற்கு இமான் இசையமைக்க போவதாகவும் அறிவிக்கப்பட்டுள்ளது. இது குறித்த வீடியோ ஒன்றையும் சன் பிக்சர்ஸ் நிறுவனம் தனது டுவிட்டர் பக்கத்தில் வெளியிட்டு உள்ளது என்பதும், இந்த அறிவிப்புக்கு டி.இமான் தனது நன்றியை சன் பிக்சர்ஸ் நிறுவனத்திற்கும் இயக்குனர் பொன்ராம் அவர்களுக்கும் தெரிவித்துள்ளார் என்பதும் குறிப்பிடத்தக்கது
Happy to be associated with @sunpictures for Director @ponramVVS sir’s next with @VijaySethuOffl ??#DImmanMusical
— D.IMMAN (@immancomposer) March 17, 2021
Praise God! https://t.co/mO1Lg8rL9x