'தொடரி' இசை வெளியீட்டு தேதி குறித்த அறிவிப்பு
- IndiaGlitz, [Saturday,May 21 2016]
தனுஷ், கீர்த்தி சுரேஷ் நடிப்பில் பிரபுசாலமன் இயக்கத்தில் உருவாகி வரும் 'தொடரி' படத்தின் படப்பிடிப்பு முடிவடைந்து போஸ்ட் புரடொக்ஷன்ஸ் பணிகள் நடைபெற்று வரும் நிலையில் இந்த படத்தின் இசை வெளியீட்டு தேதி குறித்த தகவல் தற்போது வெளிவந்துள்ளது.
டி.இமான் இசையமைத்த இந்த படத்தின் பாடல்கள் வரும் ஜூன் மாதம் 6ஆம் தேதி வெளியாகவுள்ளதாக செய்திகள் வெளிவந்துள்ளது. பிரபுசாலமனின் முந்தைய படங்களின் வெற்றிக்கு இமானின் பாடல்கள் ஒரு முக்கிய காரணமாக இருந்திருக்கின்ற நிலையில் இந்த படத்தின் பாடல்கள் மிகுந்த எதிர்பார்ப்பினை ஏற்படுத்தியுள்ளது.
தனுஷ், கீர்த்திசுரேஷ்,கணேஷ் வெங்கட்ராமன், ஹரீஷ் உத்தமன், தம்பி ராமையா, ராதாரவி, கருணாகரன். ஆர்.வி.உதயகுமார் உள்ளிட்ட பலர் நடித்துள்ள இந்த படத்தின் பெரும்பாலான பகுதிகளின் படப்பிடிப்பு ஓடும் ரயிலில் படம்மாக்கப்பட்டுள்ளது. டெல்லியில் இருந்து சென்னை வரும் ரயில் ஒன்றில் நடைபெறும் விறுவிறுப்பான திரைக்கதையுடன் இந்த படத்தை இயக்கியுள்ளார் பிரபுசாலமன். இந்த படத்தை சத்யஜோதி பிலிம்ஸ் நிறுவனம் தயாரித்துள்ளது.