சிவி குமாரின் அடுத்த பட டைட்டில் வெளியீடு
- IndiaGlitz, [Tuesday,June 19 2018]
'அட்டக்கத்தி', 'பீட்சா', 'சூது கவ்வும்' உள்பட பல வெற்றி படங்களை தயாரித்த பிரபல தயாரிப்பாளர் சிவி குமார் இயக்கிய 'மாயாவன்' திரைப்படம் கடந்த ஆண்டு வெளியாகி நல்ல வரவேற்பை பெற்றது. இந்த நிலையில் அவருடைய அடுத்த படம் குறித்த தகவல் தற்போது வெளிவந்துள்ளது
சிவி குமார் இயக்கும் அடுத்த படத்தின் பணிகள் இன்று முதல் பாடல்கள் பதிவுடன் தொடங்கியுள்ளதாகவும், இந்த படத்திற்கு 'கேங்ஸ் ஆஃப் மெட்ராஸ்' என்ற டைட்டில் வைக்கப்பட்டுள்ளதாகவும் அறிவிக்கப்பட்டுள்ளது. சிவி குமார் திரைக்கதை எழுதி இயக்கும் இந்த படத்திற்கு ஹரி தஃபூசியா இசையமைக்கின்றார். கார்த்திக் குமார் ஒளிப்பதிவில், ராட் கிருஷ் படத்தொகுப்பில் விஜய் ஆதிநாதன் கலை இயக்கத்தில் இந்த படம் உருவாகவுள்ளது.
மேலும் இந்த படத்தில் நடிக்கும் ஹீரோ, ஹீரோயின் உள்பட மற்ற நடிகர், நடிகைகள் குறித்த அறிவிப்பு விரைவில் அறிவிக்கப்படவுள்ளதாக படக்குழுவினர் தெரிவித்துள்ளனர்.