திருவனந்தபுரம் மைதானம் முழுவதும் சிஎஸ்கே போஸ்டர்கள்.. என்ன நடக்குது 'கோட்' படப்பிடிப்பில்?
- IndiaGlitz, [Tuesday,March 19 2024]
தளபதி விஜய் நடித்து வரும் ‘கோட்’ படத்தின் படப்பிடிப்பு திருவனந்தபுரத்தில் நடைபெற்று வருவதாகவும் இந்த படப்பிடிப்பில் விஜய் உட்பட படக்குழுவினர் அனைவரும் கலந்து கொண்டு இருப்பதாகவும் வெளியான செய்தியை ஏற்கனவே பார்த்தோம். இந்த நிலையில் இந்த மைதானத்தில் ‘கோட்’ படத்தின் கிளைமாக்ஸ் காட்சிகள் படமாக்கப்படுவதாக செய்திகள் வெளியான நிலையில் தற்போது வந்துள்ள தகவல்படி மைதானம் முழுவதும் சிஎஸ்கே அணியின் போஸ்டர்கள் ஒட்டப்பட்டு இருப்பதாக கூறப்படுகிறது.
‘கோட்’ படத்தின் கிளைமாக்ஸ் காட்சிக்கும் சிஎஸ்கே அணிக்கும் என்ன சம்பந்தம் என்ற எண்ணம் ரசிகர்கள் மனதில் எழுந்துள்ள நிலையில் ஒருவேளை இந்த படத்தின் கிளைமாக்ஸ் காட்சியில் சிஎஸ்கே அணியினர் சிறப்பு தோற்றத்தில் தோன்றுவார்களா? குறிப்பாக தல தோனி தோன்றுவாரா? என்ற எதிர்பார்ப்பும் ஏற்பட்டுள்ளது.
ஒருவேளை தல தோனி சிறப்பு தோற்றத்தில் நடிப்பதாக நடித்திருப்பதாக தகவல் வெளியானால் இந்த படத்தின் எதிர்பார்ப்பு உச்சத்தை அடையும் என்பது குறிப்பிடத்தக்கது. இந்த நிலையில் இன்னும் சில நாட்கள் திருவனந்தபுரம் மைதானத்தில் ‘கோட்’ படத்தின் கிளைமாக்ஸ் காட்சிகளின் படப்பிடிப்பு நடைபெறும் என்றும் அதன் பிறகு தொழில்நுட்ப பணிகள் ஆரம்பமாகும் என்றும் கூறப்படுகிறது.
விஜய், பிரசாந்த், பிரபுதேவா, சினேகா, லைலா, மீனாட்சி சவுத்ரி, பார்வதி நாயர், மோகன், ஜெயராம், அஜ்மல், யோகிபாபு, விடிவி கணேஷ், வைபவ், பிரேம்ஜி, கஞ்சா கருப்பு உள்பட பலர் நடித்த இந்த படத்தை வெங்கட் பிரபு இயக்கி வருகிறார். ஏஜிஎஸ் நிறுவனம் இந்த படத்தை பிரமாண்டமாக தயாரித்து வருகிறது. யுவன்ஷங்கர் ராஜா இந்த படத்திற்கு இசையமைத்து வருகிறார்.