ஒரு வருடம் கழித்து 'வலிமை' அப்டேட் தந்த மொயின் அலி!
- IndiaGlitz, [Friday,February 25 2022]
கடந்த ஆண்டு இங்கிலாந்து கிரிக்கெட் அணி இந்தியாவுக்கு சுற்றுப்பயணம் செய்து இருந்தபோது சென்னை சேப்பாக்கத்தில் நடந்த போட்டி ஒன்றின் போது ரசிகர்கள் மொயின் அலியிடம் ‘வலிமை’ அப்டேட் கேட்டனர். அப்போது ‘வலிமை’ என்றால் என்னவென்று தெரியாத மொயின் அலி, நேற்று ‘வலிமை’ வெளியாகியுள்ள நிலையில் அப்டேட் கூறியுள்ளார்.
இது குறித்து அவர் வெளியிட்டுள்ள வீடியோ ஒன்றில், ‘கடந்த ஆண்டு சேப்பாக்கம் மைதானத்தில் என்னிடம் ‘வலிமை’ அப்டேட்டை ரசிகர்கள் கேட்டார்கள். அப்போது ‘வலிமை’ என்றால் எனக்கு என்னவென்று தெரியாது. நான் தினேஷ் கார்த்திக் இடம் ‘வலிமை’ என்றால் என்ன என்று கேட்டபோது அவர் அஜித் என்ற நடிகர் நடித்து கொண்டு இருக்கும் படம் என்று கூறினார்.
அதன் பிறகு நான் ‘வலிமை’ குறித்து இணையத்தில் ஆய்வு செய்தேன். மிகப்பெரிய எதிர்பார்ப்புக்குரிய ஒரு படம் என்பதையும், அந்த படத்தை பார்க்க ஏராளமானோர் ஆர்வமாக இருப்பதையும் தெரிந்து கொண்டேன். தற்போது ‘வலிமை’ படம் வெளியாகியிருப்பது எனக்கு மிகுந்த மகிழ்ச்சியை தருகிறது என்று அந்த வீடியோவில் மொயின் அலி கூறியுள்ளார்.
கடந்த ஆண்டு ரசிகர்கள் ‘வலிமை’ அப்டேட் கேட்ட நிலையில் ஒரு வருடத்திற்கு பின் ‘வலிமை’ அப்டேட்டை தெரிவித்துள்ள மொயின் அலிக்கு அஜீத் ரசிகர்கள் தங்களது நன்றியை தெரிவித்து வருகின்றனர்.
Final #ValimaiUpdate from Ali Bhai ??????#WhistlePodu ???? pic.twitter.com/k0xYguKZBt
— Chennai Super Kings - Mask P??du Whistle P??du! (@ChennaiIPL) February 23, 2022