பிக்பாஸ் நடிகை படத்தின் ஃபர்ஸ்ட்லுக்கை வெளியிடும் கிரிக்கெட் வீரர்!
- IndiaGlitz, [Sunday,January 31 2021]
பிக்பாஸ் நிகழ்ச்சியின் மூலம் பெரும் புகழ் பெற்ற நடிகைகளில் ஒருவரான சாக்ஷி அகர்வால் ஏற்கனவே நான்கு படங்களில் நடித்து வருகிறார். அந்த வகையில் தற்போது மேலும் ஒரு படத்தில் அவர் நடித்து வரும் நிலையில் அந்த படத்தின் பர்ஸ்ட் லுக் போஸ்டரை பிரபல கிரிக்கெட் வீரர் ஒருவர் வெளியிட இருப்பதாக அறிவிக்கப்பட்டுள்ளது
பிக்பாஸ் சீசன் 3 போட்டியாளர்களில் ஒருவரான சாக்ஷி அகர்வாலுக்கு திரையுலகில் வாய்ப்புகள் குவிந்து வருகிறது. அவர் ஏற்கனவே ’சின்ட்ரெல்லா’ ’ஆயிரம் ஜென்மங்கள்’ ’டெடி’, ’அரண்மனை 3’ ’புரவி’ ஆகிய படங்களில் நடித்துக் கொண்டிருக்கும் நிலையில் தற்போது மேலும் ஒரு திரைப்படத்தில் நடிக்க அவர் ஒப்பந்தமாகியுள்ளார்
‘தி நைட்’ என்ற டைட்டில் வைக்கப்பட்டுள்ள இந்த சஸ்பென்ஸ் படத்தை ரங்கா புவனேஸ்வர் என்பவர் இயக்கவுள்ளார். இந்த படத்தின் நாயகனாக வேத் மற்றும் நாயகியாக சாக்ஷி அகர்வால் நடிக்கவுள்ள நிலையில் இந்த படத்திற்கு அன்வர் கான் தாரிக் என்பவர் இசையமைக்க உள்ளார்
இந்த நிலையில் இந்த படத்தின் பர்ஸ்ட் லுக் போஸ்டர் இன்று மாலை 6 மணிக்கு வெளியாகும் என அதிகாரப்பூர்வமாக அறிவிக்கப்பட்டுள்ளது. இந்த போஸ்டரை பிரபல கிரிக்கெட் வீரர் அஸ்வின் ரவிசந்திரன் வெளியிட உள்ளதாக அறிவிக்கப்பட்டுள்ளது