பிரபல நகைச்சுவை நடிகர் ஆர்.ஜே.பாலாஜி கடந்த சில நாட்களாக தலைப்பு செய்திகளில் இடம்பெற்று வருகிறார் என்பது தெரிந்ததே. அவர் புதிய அரசியல் கட்சி ஆரம்பிக்கவுள்ளதாக கூறப்பட்டு அதற்கான சுவர் விளம்பரம், கொடி அறிமுகமும் பரபரப்பாக நடந்தது.

மேலும் ஆர்.ஜே.பாலாஜி சமீபத்தில் மதிமுக தலைவர் வைகோவை சந்தித்ததால் அவர் மதிமுகவில் இணையப்போவதாகவும் வதந்தி கிளம்பியது. இந்த வதந்திகளுக்கு ஆர்.ஜேபாலாஜி இதுவரை எந்த விளக்கமும் அளிக்கவில்லை. ஆனால் ஆர்.ஜே.பாலாஜி குறித்து வெளிவந்த அனைத்து வதந்திகளுக்கும் நாளை விடை கிடைக்கவுள்ளது.

ஆம் நாளை சென்னை சூப்பர் கிங்ஸ் அணியும், டெல்லி அணியும் டெல்லி மைதானத்தில் மோதவுள்ளது. இந்த போட்டி துவங்கும் முன் ஸ்டார் ஸ்போர்ட்ஸ் சேனலில் முன்னணி கிரிக்கெட் வீரர்கள் ஆர்.ஜே.பாலாஜியின் அடுத்தகட்ட பயணம் குறித்த முக்கிய அறிவிப்பை வெளியிடவுள்ளனர். இந்த தகவலை ஆர்.ஜே.பாலாஜி தனது சமூக வலைத்தளத்தில் அறிவித்துள்ளார். அவர் அதில் கூறியிருப்பதாவது: உங்கள் அனைவரது பேராதரவிற்கும், பேரன்பிற்கும் என் சிரம் தாழ்ந்த நன்றிகள். நாளை மே 18ஆம் தேதி ஐபிஎல் சிஎஸ்கே போட்டியின்போது கிரிக்கெட் வீர்ர்கள் இரவு 7 மணி அளவில் ஸ்டார் ஸ்போர்ட்ஸ் சேனலில் எனது அடுத்தகட்ட பயணத்தை அறிவிக்க உள்ளார்கள் என்று தெரிவித்துள்ளார்.

நாளைய அறிவிப்பு ஆர்ஜே பாலாஜியின் அடுத்த படம் குறித்த அறிவிப்பா? அல்லது அவருடைய அரசியல் எண்ட்ரியா? என்பது தெரிந்துவிடும். அதுவரை பொறுமை காப்போம்
 

Tomorrow at 7pm. During CSK match, cricketers will launch my next move on Starsports. pic.twitter.com/Mf59Wg2bZx

— RJ Balaji (@RJ_Balaji) May 17, 2018