ஹர்திக் பாண்டே வெளியிட்ட குழந்தையின் புகைப்படம்: இணையதளங்களில் வைரல்
- IndiaGlitz, [Thursday,July 30 2020]
இந்திய கிரிக்கெட் அணியின் ஆல்ரவுண்டர்களில் ஒருவரான ஹர்திக் பாண்டியாவுக்கும் நடாஷா என்ற நடிகைக்கும் கடந்த ஜனவரி 1-ஆம் தேதி திருமணம் நிச்சயதார்த்தம் நடந்தது. விரைவில் இவர்களது திருமணம் நடக்க உள்ளதாக அறிவிக்கப்பட்டது
இந்த நிலையில் நடாஷா கர்ப்பமாக இருப்பதாக சமீபத்தில் ஹர்திக் பாண்ட்யா தனது சமூக வலைத்தளத்தில் அறிவித்தார். மேலும் தன்னுடைய புதிய குடும்ப உறுப்பினரை வரவேற்க தான் பெரும் எதிர்பார்ப்புடன் இருப்பதாகவும் அவர் அதில் குறிப்பிட்டிருந்தார். மேலும் கடந்த சில நாட்களுக்கு முன் கர்ப்பிணியான நடாஷா தனது மடியில் படுத்திருக்கும் புகைப்படம் ஒன்றையும் வெளியிட்டிருந்தார் என்பதும் இந்த புகைப்படம் இண்டர்நெட்டில் வைரலானது என்பதும் குறிப்பிடத்தக்கது.
இந்த நிலையில் சற்றுமுன் ஹர்திக் பாண்டே தனக்கு ஆண் குழந்தை பிறந்திருப்பதாக தனது சமூக வலைத்தளத்தில் பதிவு செய்துள்ளார். மேலும், குழந்தையின் கையை அவரது கை பிடித்திருப்பது போன்ற ஒரு புகைப்படத்தையும் ஹர்திக் பாண்டே பதிவு செய்துள்ளார்.
இதனையடுத்து சக கிரிக்கெட் வீரர்கள் மற்றும் ரசிகர்கள் அவருக்கு வாழ்த்துக்களை தெரிவித்து வருகின்றனர்.
View this post on InstagramWe are blessed with our baby boy ❤️????
A post shared by Hardik Pandya (@hardikpandya93) on Jul 30, 2020 at 3:03am PDT