விஜய்யின் 'லியோ' படத்தில் இணைந்த கிரிக்கெட் பிரபலம்..! ஆச்சரியமான தகவல்..!
- IndiaGlitz, [Tuesday,May 16 2023]
தளபதி விஜய் நடித்து வரும் ‘லியோ’ திரைப்படத்தில் ஏற்கனவே பல திரையுலக பிரபலங்கள் நடித்துவரும் நிலையில் தற்போது முன்னாள் கிரிக்கெட் வீரரும் கிரிக்கெட் வர்ணனையாளருமான முத்து இணைந்துள்ளதாக வெளிவந்திருக்கும் தகவல் ரசிகர்களுக்கு ஆச்சரியத்தை ஏற்படுத்தியுள்ளது.
தளபதி விஜய் நடிப்பில் லோகேஷ் கனகராஜ் இயக்கத்தில் உருவாகி வரும் ‘லியோ’ படத்தின் படப்பிடிப்பு இறுதி கட்டத்தை நோக்கி சென்று கொண்டிருக்கிறது. இந்த படத்தில் ஏற்கனவே தமிழ் திரை உலகினர் மட்டுமின்றி பாலிவுட் திரையுலகினர் சிலர் நடித்துவரும் நிலையில் தற்போது கிரிக்கெட் வர்ணனையாளர் முத்து இணைந்து உள்ளார் என்ற தகவல் வெளியாகி உள்ளது.
பிரபல தமிழ் கிரிக்கெட் வர்ணனையாளர் பிரதீப் முத்து தனது சமூக வலைத்தளத்தில் ஏற்கனவே நடித்த ’மீசைய முறுக்கு’ ’வீட்ல விசேஷம்’ திரைப்படத்தில் நடித்ததோடு ‘லியோ’ படத்தில் இணைந்துள்ளதாக அறிவித்துள்ளார். படக்குழுவினர் இதை அதிகாரபூர்வமாக அறிவிக்காவிட்டாலும் முத்து தனது சமூக வலைத்தளத்தில் பதிவு செய்துள்ளதால் ‘லியோ’ திரைப்படத்தில் அவர் நடித்து வருவது உறுதி செய்யப்பட்டுள்ளது.
இன்னும் ‘லியோ’ படம் குறித்து என்னென்ன ஆச்சரியமான தகவல்கள் வெளியாகும் என்பதை பொறுத்திருந்து பார்ப்போம்.