రీసెంట్ గా 'సరిలేరు నీకెవ్వరు'తో సందడి చేసిన మహేశ్ బాబు... తన నెక్స్ట్ ప్రాజెక్ట్ ని వంశీ పైడిపల్లి కాంబినేషన్ లో చేయబోతున్న సంగతి తెలిసిందే. గ్యాంగ్ స్టర్ డ్రామాగా తెరకెక్కనున్న ఈ సినిమాలో విజయ్ దేవరకొండ అతిథి పాత్రలో కనిపిస్తాడట. ఇప్పటికే ఈ మేరకు చర్చలు కూడా జరిగాయని టాలీవుడ్ టాక్. 'మహర్షి'లో 'అల్లరి' నరేశ్ పాత్ర ఎలాగైతే కీలకంగా నిలచిందో... అలానే 'మహేశ్ 27'లో విజయ్ స్పెషల్ రోల్ కూడా సమ్ థింగ్ స్పెషల్ గా ఉంటుందట. మహేశ్ తో తనకున్న ప్రత్యేక అనుబంధం కారణంగానే ఈ పాత్రకు గ్రీన్ సిగ్నల్ ఇచ్చాడట విజయ్ దేవరకొండ. మ‌రి పాత్ర‌కు ఏమేర‌కు ప్రాధాన్య‌త ఉంటుందో వేచి చూడాల్సిందే. మహ‌ర్షిలో న‌రేశ్ పాత్ర‌ను తేల్చేసిన‌ట్లు తేల్చేస్తారా? లేక క‌థ‌ను డ్రైవ్ చేసే పాత్ర‌ను వంశీ డిజైన్ చేస్తాడా? అని చూడాలి.

ప్ర‌స్తుతం మ‌హేశ్ మోకాలి ఆప‌రేష‌న్ కోసం అమెరికాలో ఉన్నార‌ని వార్త‌లు విన‌ప‌డుతున్నాయి. కాగా.. మహేశ్, వంశీ పైడిపల్లి కాంబినేషన్ మూవీకి సంబంధించిన రెగ్యులర్ షూటింగ్ మే లేదా జూన్ నెలలో ప్రారంభమవుతుందట. ఆ పై శరవేగంగా చిత్రీకరణ పూర్తి చేసి... 2021 సంక్రాంతికి రిలీజ్ చేసే దిశగా ప్లానింగ్ జరుగుతోందని సమాచారం. మరి... 'మహర్షి' తరువాత మహేశ్, వంశీ కాంబోలో రానున్న ఈ క్రేజీ ప్రాజెక్ట్... ఎలాంటి ఫలితాన్ని అందుకుంటుందో చూడాలి.