விஷால் நடித்த ’சக்ரா’ திரைப்படத்திற்கு சமீபத்தில் சென்னை உயர்நீதிமன்றம் இடைக்கால தடை விதித்து இருந்த நிலையில் தற்போது அந்த தடையில் திடீர் திருப்பம் ஏற்பட்டு உள்ளதால் விஷால் ரசிகர்கள் மகிழ்ச்சி அடைந்துள்ளனர்

விஷால் நடித்த ’சக்ரா’ திரைப்படத்திற்கு தடை கேட்டு டிரைடண்ட் என்ற நிறுவனம் தொடர்ந்த வழக்கில் சமீபத்தில் சென்னை உயர் நீதிமன்றம் அந்த படத்தை வெளியிட இடைக்கால தடை விதித்தது. நாளை இந்த திரைப்படம் வெளியாக திட்டமிடப்பட்டிருந்த நிலையில் சென்னை உயர்நீதிமன்றத்தின் தடையால் விஷால் ரசிகர்கள் பெரும் ஏமாற்றம் அடைந்தனர்

இந்த நிலையில் சற்று முன் வெளியான தகவலின்படி ’சக்ரா’ படத்திற்கு நீதிமன்றம் விதித்திருந்த இடைக்கால தடை நீக்கப்பட்டுள்ளது. இதனை அடுத்து நாளை திட்டமிட்டபடி திரையரங்குகளில் ’சக்ரா’ திரைப்படம் வெளியாகும் என படக்குழுவினர் அறிவித்துள்ளனர்.

விஷால், சாரதா ஸ்ரீநாத், ரெஜினா சிருஷ்டி டாங்கே, ரோபோ சங்கர், மனோபாலா, கேஆர்விஜயா உள்பட பலர் நடித்துள்ள இந்த படத்திற்கு யுவன் சங்கர் ராஜா இசையமைத்துள்ளார். பாலசுப்பிரமணியம் ஒளிப்பதிவில், தியாகு படத்தொகுப்பில் உருவாகியுள்ள இந்த படத்தை விஷால் பிலிம் பேக்டரி நிறுவனம் தயாரித்துள்ளது என்பது குறிப்பிடத்தக்கது

All Clear for #Chakra -

Grand Worldwide Release Tomorrow #ChakraFromTomorrow#ChakraKaRakshak#VishalChakra pic.twitter.com/eWxJKrwJ8y

— Vishal (@VishalKOfficial) February 18, 2021

All Clear for #Chakra ??️

Grand Worldwide Release Tomorrow #ChakraFromTomorrow#ChakraKaRakshak#VishalChakra @thisisysr @ShraddhaSrinath @ReginaCassandra @srushtiDange @AnandanMS15 pic.twitter.com/ViBOLklmoz

— Vishal (@VishalKOfficial) February 18, 2021