'தெறி', 'விஜய் 60' படங்களுடன் கனெக்ஷன் ஆன சசிகுமாரின் 'கிடாரி'
- IndiaGlitz, [Saturday,June 04 2016]
இளையதளபதி விஜய் நடித்த 'தெறி' மற்றும் தற்போது அவர் நடித்து கொண்டிருக்கும் 'விஜய் 60' ஆகிய இரண்டு படங்களின் காஸ்ட்யூம் டிசைனர் சத்யா என்பது அனைவரும் அறிந்ததே. அதுமட்டுமின்றி கோலிவுட்டில் பிரபல நட்சத்திரங்களான ஜெயம் ரவி, ஜீவா, தனுஷ், நஸ்ரியா, சிவகார்த்திகேயன் உள்பட பலருக்கு காஸ்ட்யூம் டிசைனராக இவர் பணிபுரிந்துள்ளார்.
இந்நிலையில் காஸ்ட்யூம் டிசைனர் சத்யா தற்போது நடிகராக மாறியுள்ளார். ஆம் 'வெற்றிவேல்' படத்தை அடுத்து சசிகுமார் தற்போது நடித்து வரும் 'கிடாரி' படத்தில் சிறப்பு தோற்றத்தில் நடிக்கவுள்ளார். இந்த தகவலை சத்யா தனது சமூக வலைத்தளத்தில் உறுதி செய்துள்ளார்.
சசிகுமார், நிகிலா உள்ளிட்ட பலர் நடித்து வரும் இந்த படத்தை பிரசாந்த் முருகேசன் இயக்கி வருகிறார். சசிகுமார் தயாரிக்கும் இந்த படத்திற்கு எஸ்.ஆர்.கதிர் ஒளிப்பதிவு செய்கிறார்.