తెలంగాణలో విజృంభిస్తున్న కరోనా.. నిన్న ఒక్కరోజే..
- IndiaGlitz, [Monday,June 22 2020]
తెలంగాణలో కరోనా విజృంభిస్తోంది. నిన్న ఒక్కరోజే తెలంగాణలో 730 కేసులు నమోదవడం షాక్‌కు గురి చేస్తోంది. నిన్న తెలంగాణ వ్యాప్తంగా 3297 శాంపిల్స్‌ను పరీక్షించగా.. 730 కేసులు పాజిటివ్‌గా నిర్ధారణ అయ్యాయి. మూడు నెలల్లో ఇంత పెద్దమొత్తంలో కేసులు నమోదవడం ఇదే ప్రథమం. వీటిలో జీహెచ్ఎంసీ పరిధిలోనే 659 కేసులు నమోదవడం గమనార్హం.
ఆ తరువాత జనగాంలో అత్యధికంగా 34 కేసులు నమోదయ్యాయి. రంగారెడ్డి పరిధిలో 10 కేసులు నమోదయ్యాయి. కాగా తెలంగాణలో మొత్తం పాజిటివ్ కేసుల సంఖ్య ఇప్పటి వరకూ 7802కు చేరకుంది. నిన్న ఒక్కరోజే 7 గురు మృతి చెందారు. దీంతో కరోనా కారణంగా మృతి చెందిన వారి సంఖ్య ఇప్పటి వరకూ 210కి చేరుకుంది.