இந்த வாரம் வெள்ளியன்று புதிய திரைப்படங்கள் ரிலீஸ் ஆகுமா?
- IndiaGlitz, [Monday,March 16 2020]
கொரோனா வைரஸ் பீதி காரணமாக உலகம் முழுவதும் ஷாப்பிங் மால்கள் திரையரங்குகள் ஆகியவை மூடப்பட்டு வருகின்றன. இந்தியாவிலும் ஒரு சில மாநிலங்களில் திரையரங்குகளை மூடவும் படப்பிடிப்பை ரத்து செய்யவும் உத்தரவு பிறப்பிக்கப்பட்டுள்ளன என்பது குறிப்பிடத்தக்கது
இந்த நிலையில் தமிழகத்திலும் கேரளா எல்லையில் உள்ள மால்கள் திரையரங்குகள் மூடப்பட வேண்டும் என்று தமிழக அரசு உத்தரவிட்டுள்ளது என்பது தெரிந்ததே. இதனை அடுத்து இந்த வாரம் வெளியாக இருந்த நான்கு திரைப்படங்கள் ரிலீஸ் ஆகுமா? அல்லது தள்ளிப் போகுமா? என்ற கேள்வி எழுந்துள்ளது
‘பல்லு படாம பார்த்துக்கோ’, ‘மரீஜூனா, ‘காக்டெய்ல்’ மற்றும் ’கன்னி ராசி’ ஆகிய நான்கு திரைப்படங்கள் வரும் வெள்ளியன்று வெளியிட திட்டமிடப்பட்டிருந்தது. இந்த நிலையில் இந்த நான்கு திரைப்படங்களும் ரிலீஸ் தேதியை தள்ளி வைக்கப்பட்ட வாய்ப்பிருப்பதாக கூறப்படுகிறது
ஏற்கனவே மாநில எல்லையிலுள்ள திரையரங்குகள் மூடப்பட்டு விட்டதாலும், சென்னை செங்கல்பட்டு உள்பட ஒருசில இடங்களில் பார்வையாளர்கள் கூட்டம் குறைவாக இருப்பதால் ஒரு சில திரையரங்குகள் மூட ஆலோசனை செய்யப்பட்டு வருவதாக கூறப்படும் நிலையில் வரும் வெள்ளியன்று புதிய திரைப்படங்கள் ரிலீஸ் ஆவது சந்தேகமே என்று கூறப்படுகிறதே
அது மட்டுமின்றி ஏப்ரல் 9ஆம் தேதி வெளியிட திட்டமிட்டு இருந்த விஜய்யின் ’மாஸ்டர்’ திரைப்படம் மற்றும் சூர்யாவின் ’சூரரைப்போற்று’ உள்பட ஒரு சில முக்கிய திரைப்படங்களின் ரிலீஸ் தேதியும் தள்ளிவைக்கப்பட்ட வாய்ப்பிருப்பதாக கூறப்படுகிறது