100ஐ நெருங்கும் ராயபுரம், நெருங்க முடியாத மணலி, அம்பத்தூர்: சென்னை கொரோனா நிலவரம்
- IndiaGlitz, [Monday,April 20 2020]
தமிழகத்தில் கொரோனா வைரசால் நேற்று மட்டும் 105 பேர் பாதிக்கப்பட்டனர் என்பதும் அதில் சென்னையில் மட்டும் 50 பேர் கொரோனா வைரஸால் பாதிக்கப்பட்டார்கள் என்றும் வெளியான செய்தியை பார்த்தோம். இந்த நிலையில் இன்று காலை சென்னை மாநகராட்சி வெளியிட்டுள்ள தகவலின்படி சென்னையில் கொரோனா வைரஸால் அதிகம் பாதிக்கப்பட்ட பகுதிகள் குறித்த தகவல்கள் வெளிவந்துள்ளது
இதன்படி சென்னை ராயபுரத்தில் 91 பேர் கொரோனா வைரசால் பாதிக்கப்பட்டுள்ளனர். ஏற்கனவே 73 பேர் இந்த பகுதியில் பாதிக்கப்பட்ட நிலையில் நேற்று மட்டும் 18 பேர் பாதிக்கப்பட்டுள்ளதால் மொத்தம் 91 பேர் இந்த பகுதியில் பாதிக்கப்பட்டு உள்ளனர் என்பதும் ராயபுரத்தில் கொரோனா வைரசால் தாக்கப்பட்டவர் எண்ணிக்கை 100ஐ நெருங்குகிறது என்பதும் குறிப்பிடத்தக்கது
ராயபுரத்தை அடுத்து திருவிக நகர் பகுதியில் கொரோனா வைரசால் 38 பேர் பாதிக்கப்பட்டுள்ளனர். இதனை அடுத்து தேனாம்பேட்டையில் நேற்று முன்தினம் வரை 19 பேர் மட்டுமே கொரோனா வைரசால் பாதிக்கப்பட்டிருந்த நிலையில் நேற்று ஒரே நாளில் 17 பேர் கொரோனா வைரசால் தாக்கப்பட்டுள்ளதால் இங்கு மொத்தம் 36 பேர் கொரோனா வைரசால் பாதிக்கப்பட்டு உள்ளனர் என்பது குறிப்பிடத்தக்கது
மேலும் தண்டையார்பேட்டை பகுதியில் 30 பேர்களும், கோடம்பாக்கம் பகுதிகள் 29 பேர்களும் அண்ணா நகர் பகுதிகளில் 26 பேர்களும் கொரோனா வைரசால் பாதிக்கப்பட்டு உள்ளனர் என்பது குறிப்பிடத்தக்கது. இந்த நிலையில் சென்னையில் உள்ள மணலி மற்றும் அம்பத்தூர் ஆகிய பகுதிகளில் இதுவரை ஒருவர் கூட கொரோனா வைரசால் பாதிக்கப்படவில்லை என்பதும் இங்கு உள்ள காவல்துறை மற்றும் சுகாதார அதிகாரிகள் எடுத்த அதிரடி நடவடிக்கையே இதற்கு காரணம் என்றும் கூறப்படுகிறது
Here's the zone wise breakup of Covid-19 positive cases in #Chennai.#Covid19Chennai#GCC #ChennaiCorporation pic.twitter.com/h8kXBT7XHX
— Greater Chennai Corporation (@chennaicorp) April 20, 2020