దక్షిణాది అందాల నటి.. ఒకప్పుడు టాలీవుడ్‌ను ఓ ఊపు ఊపిన సీనియర్ నటి శ్రియ అందరికీ గుర్తుండే ఉంటుంది. పెళ్లయిన తర్వాత స్పెయిన్‌లోనే భర్తతో కలిసి ఉంటోంది. ప్రపంచాన్ని వణికిస్తున్న కరోనా మహమ్మారితో స్పెయిన్ కూడా తీవ్ర ఇక్కట్లు పడుతోంది. ఇప్పటికే చాలా మందే అక్కడ మృత్యువాత పడ్డారు. అయితే తాజాగా.. తన భర్త ఆండ్రూ కొచీవ్‌లో కరోనా లక్షణాలు కనిపిస్తున్నాయని శ్రియ స్వయంగా వెల్లడించింది.

ప్రస్తుతానికి ఓకే..

‘నా భర్త పొడి దగ్గు, జ్వరం తదితరాలతో బాధపడుతూ ఉన్నారు. ముందు జాగ్రత్తగా ఇంట్లోనే సెల్ఫ్ క్వారంటైన్ అయిపోయి, ప్రత్యేక గదిలో ఉంటున్నాడు. నా భర్తలో ఈ లక్షణాలు కనిపించడంతో ఒక్కసారిగా తీవ్ర ఆందోళనకు గురయ్యాను. ప్రస్తుతానికి ఎటువంటి ఇతర అనారోగ్య సమస్యలూ లేవు. ఒకవేళ ఎదురైతే ఆండ్రూను ఆసుపత్రికి తరలిస్తాం’ అని శ్రీయ సోషల్ మీడియా వేదికగా వెల్లడించింది. కాగా ఇటీవలే లాక్ డౌన్ సమయంలో తన భర్తతో తాను చాలా ఆనందంగా ఉన్నానని ఆమె చెప్పగా.. శ్రియ తనను బాగా ఇబ్బంది పెడుతోందని సోషల్ వీరిద్దరూ హడావుడి చేసిన విషయం విదితమే.