వైసీపీ ఎమ్మెల్యే శిల్పా చక్రపాణిరెడ్డికి కరోనా పాజిటివ్..
- IndiaGlitz, [Friday,July 17 2020]
ఏపీలో కరోనా విజృంభిస్తున్న సంగతి తెలిసిందే. తాజాగా ఏపీలోని రాజకీయ ప్రముఖులు ఒక్కొక్కరుగా కరోనా బారిన పడుతున్నారు. నేడు ఓ ఎమ్మెల్యేకు కరోనా పాజిటివ్‌గా నిర్ధారణ అయింది. ఇప్పటికే కరోనా బారినపడి చికిత్స పొందుతున్న డిప్యూటీ సీఎం అంజద్ బాషా సహా నలుగురు వైసీపీ ఎమ్మెల్యేలు కరోనా బారిన పడిన విషయం తెలిసిందే. అయితే అంజద్ బాషా కరోనా నుంచి కోలుకున్నానని క్షేమంగా ఉన్నానని వెల్లడించారు. తాజాగా కర్నూలు జిల్లా శ్రీశైలం వైసీపీ ఎమ్మెల్యే శిల్పా చక్రపాణిరెడ్డికి కరోనా పాజిటివ్‌గా నిర్ధారణ అయింది. కొద్ది రోజులుగా అనారోగ్యం బాధపడుతున్న ఆయన కరోనా పరీక్ష చేయించుకోగా.. నేడు పాజిటివ్ అని తేలింది. కాగా తాను ఆరోగ్యంగానే ఉన్నానని ఆందోళన పడాల్సిన అవసరం లేదని.. అనుచరులకు వెల్లడించారు.