తెలంగాణలో విశ్వరూపం చూపించిన కరోనా.. నిన్న ఒక్కరోజే...
- IndiaGlitz, [Saturday,July 04 2020]
తెలంగాణలో కరోనా విశ్వరూపం చూపిస్తోంది. మొన్నటి వరకూ 1200 దాటని కరోనా కేసులు నిన్న దాదాపు 1900 కేసులు నమోదవడంతో తెలంగాణ ప్రజలు షాక్ అయ్యారు. 5962 శాంపిల్స్‌ను పరీక్షించగా.. 1892 కేసులు కరోనా పాజిటివ్‌గా నిర్ధారణ అయ్యాయి. దీంతో రాష్ట్రంలో ఇప్పటి వరకూ మొత్తం కరోనా పాజిటివ్ కేసుల సంఖ్య 20,462కు చేరుకుంది.
కరోనా కారణంగా నిన్న ఒక్కరోజే ఎనిమిది మంది మరణించారు. దీంతో ఇప్పటి వరకూ కరోనా మృతుల సంఖ్య 283కు చేరుకుంది. కాగా తెలంగాణలో 9984 యాక్టివ్ కేసులుండగా.. 10వేల 195 మంది కరోనా నుంచి కోలుకుని డిశ్చార్జ్ అయ్యారు. ఒక్క జీహెచ్‌ఎంసీ పరిధిలోనే 1658 కేసులు నమోదవడం గమనార్హం.