క‌రోనా వైర‌స్ ప్ర‌భావంతో సినీ రంగం అంతా స్త‌బ్ద‌త నెల‌కొంది. షూటింగ్స్ బంద్ అయ్యాయి. సినీ తార‌లంద‌రూ ఇంటికే ప‌రిమిత‌మైయారు. ప‌లువురు ప‌లు ర‌కాలుగా స‌మ‌యాన్ని వెల్ల‌దీస్తున్నారు. వైర‌స్ భ‌యంతో ప‌ని వాళ్ల‌ను కూడా ఇంట్లోకి రానీయ‌డం లేదు. ఎవ‌రికి వారే ప‌నులు చేసుకుంటున్నారు. బాలీవుడ్ స్టార్ హీరోయిన్ క‌త్రికా కైఫ్ విష‌యానికి వ‌స్తే ఈమె త‌న ఇంటిని తానే శుభ్రం చేసుకుంటుంది. ముఖ్యంగా ఆమె అంట్లు తోమె వీడియో ఒక‌టి విడుద‌ల చేసింది. ఇది సోష‌ల్ మీడియాలో వైర‌ల్‌గా మారింది.

పాత్ర‌ల‌న్నింటికీ ఒకేసారి సోపు వేసి.. త‌ర్వాత వాట‌ని కాసేపు ఆ సోపు నీళ్ల‌లో నాన్చి త‌ర్వాత క‌డగ‌డం వ‌ల్ల నీరు ఆదా అవుతుంది. అలాగే స‌మ‌యం కూడా ఆదా అవుతుంద‌ని క‌త్రినా త‌న వీడియోలో చెప్ప‌డం విశేషం. ఇక అందాల చంద‌మామ కాజ‌ల్ అయితే త‌న‌కు ఖాళీగాఉండ‌టం ఇష్టం ఉండ‌ద‌ని కాబ‌ట్టి తాను కొత్త విష‌యాలు నేర్చుకోవ‌డానికి ప్రాధాన్య‌త ఇస్తాన‌ని అంటుంది. ప్ర‌స్తుతం చెస్ ఆట‌తో పాటు మార్ష‌ల్స్ ను నేర్చుకుంటోందట కాజ‌ల్‌. ఖాళీ స‌మ‌యంలో మ‌రింత ప్రావీణ్య‌త సంపాదించుకోవ‌చ్చున‌ని మ‌నం నేర్చుకునే కొత్త ప‌నులు జీవితంలో ఉప‌యోగ‌ప‌డుతాయా, లేవా అని ఆలోచించ‌న‌ని కేవ‌లం నేర్చుకోవ‌డ‌మే త‌న‌కు తెలుసున‌ని ఆమె చెప్పుకొచ్చింది.