క‌రోనా క‌ష్టాలు .. ఎడారిలో చిక్కుకున్న స్టార్ హీరో
- IndiaGlitz, [Wednesday,April 01 2020]
క‌రోనా ప్ర‌భావం కార‌ణంగా దేశ‌మంతా ముఖ్య‌మైన ప‌నులు, ర‌వాణా, ప్ర‌ధాన ఆర్థిక కార్య‌కలాపాలు అన్నీ స్తంభించాయి. సినిమా ప‌రిశ్ర‌మ అయితే షూటింగ్‌ల‌న్నింటినీ ఆపేశాయి. స్త‌బ్ద‌త నెల‌కొంది. ఈ త‌రుణంలో ప్ర‌భుత్వం ప్ర‌క‌టించిన లాక్‌డౌన్‌కు అన్నీ వ‌ర్గాల వారు త‌మ మ‌ద్దతుని తెలియ‌జేశారు. కానీ మ‌ల‌యాళ చిత్ర‌సీమ‌కు చెందిన స్టార్ హీరో పృథ్వీరాజ్ అండ్ యూనిట్ మాత్రం యూరోప్‌లోని జోర్డాన్ ఏడారిలో చిత్రీక‌ర‌ణ‌కు వెళ్లి ఇప్పుడు ఇబ్బందుల‌ను ఎదుర్కొంటున్నారు. ఈ విష‌యాన్ని తెలియ‌జేస్తూ పృథ్వీరాజ్ ట్విట్ట‌ర్ ద్వారా లేఖ రాశారు.
పృథ్వీరాజ్, బ్లెస్సీ కాంబినేష‌న్‌లో ఆడుజీవితం అనే సినిమా ప్రారంభ‌మైంది. కీల‌క స‌న్నివేశాల‌ను జోర్డాన్ ఎడారిలో చిత్రీక‌రించ‌డానికి అక్క‌డి ప్ర‌భుత్వం నుండి ఆదేశాల‌ను పొందారు. ఏప్రిల్ 10 వ‌ర‌కు షూటింగ్ జ‌రుపుకోవాల్సిన ఈ సినిమా .. క‌రోనా ఎక్కువగా ప్ర‌బ‌లుతుండ‌టంతో స‌ద‌రు అధికారులు షూటింగ్‌ను ఆపేయాల్సిందిగా కోరారు. దీంతో 58 మంది స‌భ్యులున్న యూనిట్ ఇప్పుడు అక్క‌డే చిక్కుకుపోయింది. మ‌న దేశానికి విమాన రాక‌పోక‌లు కూడా లేక‌పోవ‌డంతో ఎంటైర్ యూనిట్ చిక్కుపోయింది. ఎలాగైనా త‌మ‌ను ఇండియాకు వ‌చ్చేలా ప్ర‌భుత్వమే చొర‌వ చూపాల‌ని కోరుతూ లేఖ‌ను రాశారు పృథ్వీరాజ్.