కరోనా ఎఫెక్ట్.. అణ్ణాత్తే షూట్యింగ్ క్యాన్సిల్‌
- IndiaGlitz, [Wednesday,December 23 2020]
సూప‌ర్‌స్టార్ రజినీకాంత్, శివ కాంబినేష‌న్‌లో రూపొందుతోన్న చిత్రం అణ్ణాత్తే. స‌న్‌పిక్చ‌ర్స్ నిర్మిస్తోన్న ఈ సినిమా షూటింగ్.. లాక్‌డౌన్ త‌ర్వాత ఈ నెలలోనే పునః ప్రారంభ‌మైంది. రజినీకాంత్ ఏక‌ధాటిగా సినిమా షూటింగ్‌ను పూర్తి చేయ‌డానికి డేట్స్ కేటాయించేశాడు. హైద‌రాబాద్‌లోని రామోజీ ఫిలింసిటీలో భారీ సెట్ వేసి షూటింగ్‌ను షురూ చేశారు. వారం రోజులు షూటింగ్ బాగానే జ‌రిగింది. అయితే ఉన్న‌ట్లుండి యూనిట్ స‌భ్యుల్లో ఎనిమిది మందికి కరోనా పాజిటివ్ అని తేల‌డంతో షూటింగ్‌కు ప్యాకప్ చెప్ప‌క త‌ప్ప‌లేదు యూనిట్‌కి. హైద‌రాబాద్ నుండి చెన్నై కూడా చేరుకున్నారు.
ఈ వారం ప‌దిరోజుల్లో రజినీకాంత్ రోజుకి ప‌ద్నాలుగు గంట‌లు చొప్పున క‌ష్ట‌ప‌డ్డార‌ట. ఎలాగైనా సంక్రాంతిలోపు త‌న పార్ట్ చిత్రీక‌ర‌ణ‌ను పూర్తి చేసేస్తే.. త‌ర్వాత పొలిటిక‌ల్ ఎంట్రీపై దృష్టి సారించ‌వ‌చ్చున‌ని అనుకున్నార‌ట. అయితే రజినీకాంత్ స్పీడుకు కోవిడ్ బ్రేకులేసింది. ఇప్పుడు ర‌జినీకాంత్‌కు టెస్టుల్లో నెగ‌టివ్ వ‌చ్చింది. ఎంటైర్ యూనిట్ క్వారంటైన్‌కు వెళ్లిపోయింది. ఇప్పుడు రెండు, మూడు వారాల త‌ర్వాత అంటే రజినీకాంత్ సినిమాకు, పొలిటిక‌ల్ ఎంట్రీకి క్లాష్ ప‌డే అవ‌కాశం ఉంది. మ‌రి త‌లైవా ఏం చేస్తాడో చూడాలి.