తెలంగాణ కరోనా అప్‌డేట్.. తగ్గిన కేసులు..
- IndiaGlitz, [Tuesday,July 21 2020]
తెలంగాణ కరోనా హెల్త్ బులిటెన్‌ను సోమవారం వైద్య ఆరోగ్యశాఖ విడుదల చేసింది. గతంతో పోలిస్తే తెలంగాణలో కేసుల సంఖ్య కాస్త తగ్గింది. సోమవారం 11,003 శాంపిళ్లను పరీక్షించగా.. ఒక్కరోజే 1198 కేసులు నమోదయ్యాయి. దీంతో తెలంగాణలో పాజిటివ్ కేసుల సంఖ్య 46,274కు చేరుకుంది. నిన్న ఒక్కరోజే 1885 మంది డిశ్చార్జ్ అవగా.. ఇప్పటికి కరోనా నుంచి కోలుకుని మొత్తంగా 34,323 మంది డిశ్చార్జ్ అయ్యారు.
కాగా నిన్న కరోనా కారణంగా ఏడుగురు మృతి చెందగా.. ఇప్పటి వరకూ కరోనాతో 422 మంది మృతి చెందారు. ప్రస్తుతం రాష్ట్రంలో 11,530 యాక్టివ్ కేసులున్నాయి. కాగా.. నిన్న జీహెచ్‌ఎంసీ పరిధిలో 510 కేసులు నమోదు కాగా.. రంగారెడ్డి-106, కరీంనగర్-87, మేడ్చెల్-76, వరంగల్ అర్బన్-73, మహబూబ్‌నగర్‌-50 కేసులు నమోదయ్యాయి.