తెలంగాణలో మూడు రోజులుగా తగ్గుముఖం పట్టిన కరోనా కేసులు
- IndiaGlitz, [Monday,July 13 2020]
తెలంగాణలో గత మూడు రోజులుగా కరోనా పాజిటివ్ కేసుల సంఖ్య కాస్త తగ్గుతూ వస్తోంది. అంతకు ముందు 1800లకు పైన నమోదైన కేసులు.. ప్రస్తుతం 1300ల లోపే నమోదవుతున్నాయి. తాజాగా తెలంగాణ కరోనా బులిటెన్‌ను వైద్య ఆరోగ్యశాఖ విడుదల చేసింది. ఆదివారం 8153 శాంపిల్స్‌ను పరిశీలించగా.. 1269 మందికి పాజటివ్‌గా నిర్ధారణ అయింది. దీంతో ఇప్పటి వరకూ తెలంగాణలో పాజిటివ్ కేసుల సంఖ్య 34,671కి చేరుకుంది.
కరోనా కారణంగా ఆదివారం 8 మంది మృతి చెందగా.. మొత్తం మృతుల సంఖ్య 356కు చేరుకుంది. తెలంగాణలో ప్రస్తుతం 11,883 యాక్టివ్ కేసులున్నాయి. నిన్న ఒక్కరోజే కరోనా నుంచి కోలుకుని 1563 మంది డిశ్చార్జ్ కాగా.. ఇప్పటి వరకూ 22,482 మంది డిశ్చార్జ్ అయ్యారు. కాగా ఒక్క జీహెచ్ఎంసీ పరిధిలోనే నిన్న 800 పాజిటివ్ కేసులు నమోదు కావడం గమనార్హం.