దేశంలో ఒక్కరోజే 20 వేలు దాటిన కరోనా కేసులు..
- IndiaGlitz, [Friday,July 03 2020]
దేశ వ్యాప్తంగా కరోనా విజృంభిస్తోంది. లాక్‌డౌన్ అనంతరం కరోనా కేసులు అనూహ్యంగా పెరిగిపోతున్నాయి. గడిచిన 24 గంటల్లో దేశ వ్యాప్తంగా 20 వేల 903 పాజిటివ్ కేసులు నమోదయ్యాయి. దీంతో పాజిటివ్ కేసుల సంఖ్య 6 లక్షల 25 వేల 544కు చేరుకుంది. కాగా.. దేశ వ్యాప్తంగా 2 లక్షల 27 వేల 439 యాక్టివ్ కేసులుండగా.. 3 లక్షల 79వేల 892 మంది కరోనా నుంచి కోలుకుని డిశ్చార్జ్ అయ్యారు. కాగా నేడు దేశ వ్యాప్తంగా 379 మంది మృతి చెందగా.. ఇప్పటి వరకూ మొత్తంగా 18213 మంది మరణించినట్టు కేంద్ర ఆరోగ్యశాఖ వెల్లడించింది. కాగా కరోనా కేసుల పరంగా ప్రపంచ వ్యాప్తంగా మూడో స్థానంలో ఉన్న రష్యాను ఒకట్రెండు రోజుల్లోనే ఇండియా దాటేసే అవకాశం ఉంది.