తెలంగాణలో లక్ష దాటిన కేసులు.. రాష్ట్రంలో కొత్తగా..
- IndiaGlitz, [Saturday,August 22 2020]
తెలంగాణలో కరోనా ఉధృతి కొనసాగుతోంది. కరోనా పాజిటివ్ కేసుల సంఖ్య లక్ష దాటింది. శనివారం హెల్త్ బులిటెన్‌ను తెలంగాణ వైద్య ఆరోగ్యశాఖ విడుదల చేసింది. ఇవాళ ఒక్కరోజే కరోనా పాజిటివ్ కేసుల సంఖ్య 2 వేలు దాటేసింది. కాగా.. గడిచిన 24 గంటల్లో 24004 శాంపిళ్లను పరీక్షించగా.. కొత్తగా 2474 మందికి కరోనా పాజిటివ్‌గా నిర్ధారణ అయింది. దీంతో రాష్ట్ర వ్యాప్తంగా ఇప్పటి వరకూ మొత్తం కేసుల సంఖ్య ఒక లక్షా 1865కు చేరుకుంది.
కాగా.. నేడు గడిచిన 24 గంటల్లో కరోనా కారణంగా ఏడుగురు మృతి చెందగా.. ఇప్పటి వరకూ 744 మంది కరోనాతో మృతి చెందారు. కాగా తెలంగాణలో ఇవాళ ఒక్కరోజే కరోనా నుంచి కోలుకుని 1768 మంది కోలుకుని డిశ్చార్జ్ అవగా.. ఇప్పటి వరకూ మొత్తం 78735 మంది కరోనా నుంచి కోలుకుని డిశ్చార్జ్ అయ్యారు. ప్రస్తుతం తెలంగాణలో 22386 యాక్టివ్ కేసులున్నట్టు తెలంగాణ వైద్య ఆరోగ్యశాఖ వెల్లడించింది.
ప్రస్తుతం రాష్ట్రంలో 15933 మంది హోమ్ ఐసోలేషన్‌లో ఉన్నట్టు తెలంగాణ వైద్య ఆరోగ్యశాఖ వెల్లడించింది. కాగా నేడు అత్యధికంగా జీహెచ్ఎంసీ పరిధిలో 447 కేసులు నమోదవగా.. రంగారెడ్డి-201, నిజామాబాద్-153, మేడ్చెల్-149, ఖమ్మం-125, వరంగల్ అర్బన్- 123, నల్గొండ-122, సిద్దిపేట-92 కేసులు నమోదయ్యాయి. కాగా.. ఇంకా 1239 శాంపిళ్లకు సంబంధించిన రిపోర్టులు రావాల్సి ఉందని వైద్య ఆరోగ్యశాఖ వెల్లడించింది.
Media Bulletin on status of positive cases #COVID19 in Telangana. (Dated. 22.08.2020)#TelanganaFightsCorona #StayHome #StaySafe
— Eatala Rajender (@Eatala_Rajender) August 22, 2020
For complete Bulletin.. please click on below link ??https://t.co/nJ24zLHdOe pic.twitter.com/YaRULG47vh