ఏపీలో లక్ష దాటిన కరోనా కేసులు.. నేడు ఎన్నంటే..
- IndiaGlitz, [Monday,July 27 2020]
ఏపీలో కరోనా కేసులు నేడు కాస్త తగ్గాయి. దీనికి ఇవాళ కాస్త తక్కువగా పరీక్షలు నిర్వహించడం కూడా కారణమై ఉండవచ్చు. రోజూ 50 వేలకు పైన పరీక్షలు నిర్వహిస్తుండగా.. నేడు 43,127 శాంపిళ్లను పరీక్షించినట్టు ఏపీ వైద్య ఆరోగ్యశాఖ వెల్లడించింది. అయితే ఏపీ వ్యాప్తంగా ఇప్పటి వరకూ నమోదైన కేసులు మాత్రం లక్ష దాటడం గమనార్హం. ఏపీకి చెందిన కరోనా హెల్త్ బులిటెన్‌ను వైద్య ఆరోగ్యశాఖ విడుదల చేసింది.
గడిచిన 24 గంటల్లో 6051 మందికి కరోనా పాజిటివ్‌గా నిర్ధారణ అయింది. దీంతో ఏపీలో మొత్తం పాజిటివ్ కేసుల సంఖ్య 1,02,349కు చేరుకుంది. కాగా ప్రస్తుతం ఏపీలో 51,701 యాక్టివ్ కేసులున్నాయి. 49,558 మంది కరోనా నుంచి కోలుకుని డిశ్చార్జ్ అయ్యారు. కాగా నేడు ఒక్కరోజే కరోనాతో 49 మంది మృతి చెందగా.. మొత్తంగా ఇప్పటి వరకూ 1090 మంది మృతి చెందారు. కాగా నేడు కూడా ఈస్ట్ గోదావరిలోనే ఎక్కువగా కేసులు నమోదయ్యాయి. ఈస్ట్ గోదావరిలో 1210 కేసులు నమోదయ్యాయి.
#COVIDUpdates: 27/07/2020, 10:00 AM
— ArogyaAndhra (@ArogyaAndhra) July 27, 2020
రాష్ట్రం లోని నమోదైన మొత్తం 99,454 పాజిటివ్ కేసు లకు గాను
*46,681 మంది డిశ్చార్జ్ కాగా
*1090 మంది మరణించారు
* ప్రస్తుతం చికిత్స పొందుతున్నవారి సంఖ్య 51,683#APFightsCorona #COVID19Pandemic pic.twitter.com/vyn03RbsYU