ఏపీలో కరోనా షాకిస్తోంది. ప్రభుత్వం ఎన్ని జాగ్రత్తలు తీసుకుంటున్నాకూడా కరోనా విజృంభణ మాత్రం ఆగట్లేదు. ఏపీ కరోనా హెల్త్ బులిటెన్‌ను బుధవారం వైద్య ఆరోగ్యశాఖ విడుదల చేసింది. నేడు రాష్ట్ర వ్యాప్తంగా 70,584 శాంపిళ్లను పరీక్షించగా 10,093 మందికి కరోనా సోకినట్టు నిర్ధారణ అయింది. దీంతో ఇప్పటి వరకూ పాజిటివ్ కేసుల సంఖ్య 120390కు చేరుకుంది. కాగా నేడు ఒక్కరోజే 2784 మంది కరోనా నుంచి కోలుకుని డిశ్చార్జ్ అయ్యారు. దీంతో ఇప్పటి వరకూ డిశ్చార్జ్ అయిన వారి సంఖ్య 55406కు చేరుకుంది.

అయితే ప్రస్తుతం ఏపీలో 63771 యాక్టివ్ కేసులున్నట్టు వైద్య ఆరోగ్యశాఖ వెల్లడించింది. కాగా నేడు కరోనాతో 65 మంది మృతి చెందారు. తూర్పు గోదావరిలో 14 మంది, అనంతపూర్‌లో 8 మంది, విజయనగరంలో ఏడుగురు, చిత్తూరులో ఆరుగురు, కర్నూలు, నెల్లూరు‌ల్లో ఐదుగురు చొప్పున, కృష్ణా, ప్రకాశంలలో నలుగురు చొప్పున, గుంటూరు, కడపలలో ముగ్గురు చొప్పున.. శ్రీకాకుళం, విశాఖ, పశ్చిమ గోదావరిలో ఇద్దరు చొప్పున మృతి చెందారు. ఇప్పటి వరకూ రాష్ట్ర వ్యాప్తంగా 18,20,009 శాంపిళ్లను పరీక్షించినట్టు వైద్య ఆరోగ్యశాఖ వెల్లడించింది.

#COVIDUpdates: 29/07/2020, 10:00 AM
రాష్ట్రం లోని నమోదైన మొత్తం 1,17,495 పాజిటివ్ కేసు లకు గాను
*52,529 మంది డిశ్చార్జ్ కాగా
*1,213 మంది మరణించారు
* ప్రస్తుతం చికిత్స పొందుతున్నవారి సంఖ్య 63,753#APFightsCorona #COVID19Pandemic pic.twitter.com/oX5S7Ittjw

— ArogyaAndhra (@ArogyaAndhra) July 29, 2020