பிக்பாஸ் 5 நிகழ்ச்சியில் 'குக் வித் கோமாளி' போட்டியாளர்கள்?
- IndiaGlitz, [Saturday,March 20 2021]
‘குக் வித் கோமாளி நிகழ்ச்சிக்கும் பிக்பாஸ் நிகழ்ச்சி வைக்கும் நெருங்கிய சம்பந்தம் உண்டு என்பது தெரிந்ததே. ‘குக் வித் கோமாளி சீசன் 1 நிகழ்ச்சியில் கலந்துகொண்ட ரேகா, ரம்யா பாண்டியன் மற்றும் அறந்தாங்கி நிஷா ஆகிய மூவரும் பிக்பாஸ் சீசன் 4 நிகழ்ச்சியில் கலந்து கொண்டனர். அதேபோல் இந்நிகழ்ச்சியில் கலந்துகொண்ட வனிதா, பிக்பாஸ் சீசன் 3இல் கலந்து கொண்டார் என்பது குறிப்பிடத்தக்கது
இந்த நிலையில் தற்போது ‘குக் வித் கோமாளி நிகழ்ச்சியின் சீசன் 2 சென்று நடைபெற்றுக் கொண்டிருக்கும் நிலையில் இந்த சீசனில் கலந்து கொண்டிருக்கும் இரண்டு ‘குக்’கள் பிக்பாஸ் சீசன் 5ல் கலந்து கொள்ள வாய்ப்பிருப்பதாக கூறப்படுகிறது. இந்த நிகழ்ச்சியின் அரையிறுதிப் போட்டி வரை வந்திருக்கும் கனி மற்றும், சமீபத்தில் எலிமினேட் ஆன பவித்ரா ஆகிய இருவரும் பிக்பாஸ் நிகழ்ச்சி சீசன் 5ல் கலந்து கொள்ள வாய்ப்பு இருப்பதாகவும் இது குறித்து அவர்களிடம் பேச்சுவார்த்தை நடத்தி வருவதாகவும் கூறப்படுகிறது. கனியின் சகோதரி விஜயலட்சுமி ஏற்கனவே பிக்பாஸ் நிகழ்ச்சியின் போட்டியாளர் என்பது தெரிந்ததே.
அதேபோல் கோமாளிகளில் ஒரிருவர் பிக்பாஸ் சீசன் 5 நிகழ்ச்சியில் கலந்து கொள்ளலாம் என்று எதிர்பார்க்கப்படுகிறது. பிக்பாஸ் சீசன் 5 நிகழ்ச்சியில் ஏற்கனவே நடிகர் நகுல் கலந்து கொள்வதற்காக பேச்சுவார்த்தையில் உள்ளார் என்பது தெரிந்தது