விஜய் டிவியில் ஒளிபரப்பாகி வரும் ’குக் வித் கோமாளி’ சீசன் 4 நிகழ்ச்சி இறுதிகட்டத்தை நெருங்கி உள்ளது என்பதும் இன்னும் ஒரு சில வாரங்களில் இந்த நிகழ்ச்சி முடியப்போகிறது என்பதையும் பார்த்து வருகிறோம்.

ஏற்கனவே இந்த சீசனின் முதல் ஃபைனலிஸ்ட் ஆக விசித்ரா தேர்வு செய்யப்பட்ட நிலையில் மீதமுள்ள 4 குக்குகளில் ஒருவர் இந்த வாரம் ஃபைனலிஸ்ட் ஆக தேர்வு செய்யப்பட உள்ளார். அவர் யார் என்பதை ஞாயிற்றுக்கிழமை தெரிந்து கொள்ளலாம்,

இந்த நிலையில் அடுத்ததாக வைல்ட் கார்ட் போட்டி நடைபெறும் என்றும் அதில் ஏற்கனவே கலந்து கொண்டு எலிமினேஷன் ஆனவர்கள் கலந்து கொள்ள உள்ளனர். அதிலிருந்து ஒரு போட்டியாளர் ஃபைனலிஸ்ட் ஆக தேர்வு செய்யப்படுவார் என்பது குறிப்பிடத்தக்கது.

இந்த நிலையில் வைல்ட் கார்ட் போட்டியின் படப்பிடிப்பு முடிந்து விட்டதாக கூறப்படும் நிலையில் அதில் ஆண்ட்ரியன் வெற்றி பெற்று ஃபைனலிஸ்ட் ஆக தேர்வு செய்யப்பட்டுள்ளதாக கூறப்படுகிறது.

திறமையான போட்டியாளரான ஆண்ட்ரியன் எலிமினேஷன் செய்யப்பட்டதை அடுத்து பார்வையாளர்கள் அதிருப்தி அடைந்த நிலையில் தற்போது அவர் மீண்டும் களத்தில் இறங்கி உள்ளதால் அவர் மற்ற போட்டியாளர்களுக்கு கடும் சவாலாக இருப்பார் என கருதப்படுகிறது.