’குக் வித் கோமாளி நிகழ்ச்சி இறுதிகட்டத்தை நெருங்கி உள்ள நிலையில் இந்த வாரம் சனி ஞாயிறு இறுதி நிகழ்ச்சி ஒளிபரப்பாக உள்ளது. இதற்கான படப்பிடிப்பு நேற்று முடிவடைந்ததாகவும் இதில் டைட்டில் பட்டம் பெற்றவர் யார் என்ற தகவல் கசிந்து உள்ளதாகவும் கூறப்படுகிறது.

கடந்த சில மாதங்களாக விஜய் டிவியில் குக் வித் கோமாளி நிகழ்ச்சியின் நான்காவது சீசன் ஒளிபரப்பாகி வருகிறது. கடந்த வாரம் வைல்ட் கார்டு போட்டி நடைபெற்ற நிலையில் அதில் இறுதி போட்டியாளராக ஆண்ட்ரியன் தேர்வு செய்யப்பட்டார் என்பது குறிப்பிடத்தக்கது.

ஏற்கனவே விசித்ரா, ஸ்ருஷ்டி, மைம் கோபி, கிரன், ஷிவாங்கி ஆகிய ஐந்து இறுதி போட்டியாளர்கள் உள்ள நிலையில் தற்போது ஆறாவது போட்டியாளராக ஆண்ட்ரியன் உள்ளார்

இந்த நிலையில் நேற்று ’குக் வித் கோமாளி இறுதிப்போட்டி நடைபெற்றதாகவும் அதில் ஆண்ட்ரியன் மற்றும் ஷிவாங்கி ஆகிய இருவரில் ஒருவர் தான் டைட்டில் பட்டம் வெல்பவர் என்றும் கூறப்படுகிறது.

குக் வித் கோமாளி நிகழ்ச்சியின் டைட்டில் வெல்வதற்கு தகுதியானவர் ஆண்ட்ரியன் தான் என ரசிகர்கள் கூறி வருகின்றனர். ஆனால் போன சீசன் வரை கோமாளியாக இருந்த ஷிவாங்கிக்கு டைட்டில் பட்டம் கொடுத்தால் கண்டிப்பாக விஜய் டிவி தனது வேலையை காட்டி விட்டதாகவே கருதப்படும் என பார்வையாளர்கள் விமர்சனம் செய்து வருகின்றனர்.

இந்த நிலையில் ‘குக் வித் கோமாளி சீசன் 4 டைட்டில் பட்டம் யாருக்கு என்பதை பொறுத்திருந்து பார்ப்போம்.