கடந்த சில மாதங்களாக விஜய் டிவியில் குக் வித் கோமாளி நிகழ்ச்சியின் நான்காவது சீசன் ஒளிபரப்பான நிலையில் இன்று 5 மணி நேரம் ஃபினாலே நிகழ்ச்சி ஒளிபரப்பாக உள்ளது.

விசித்ரா, ஸ்ருஷ்டி டாங்கே, ஆண்ட்ரியன், மைம் கோபி, கிரண் மற்றும் ஷிவாங்கி ஆகிய 6 போட்டியாளர்கள் இறுதிப் போட்டிக்கு தகுதி பெற்றுள்ள நிலையில் இவர்களில் ஒருவருக்கு இன்று டைட்டில் பட்டம் கிடைக்கும் என்பது குறிப்பிடத்தக்கது.

இந்த நிலையில் கடந்த வாரம் இறுதி போட்டியில் படப்பிடிப்பு நடந்ததாகவும் அதில் மைம் கோபி டைட்டில் வின்னர் பட்டத்தை வென்றதாகவும், ஸ்ருஷ்டிக்கு இரண்டாவது இடமும் விசித்ராவுக்கு மூன்றாவது இடமும் கிடைத்தது என்றும் செய்திகள் வெளியானது.

ஆனால் தற்போது வந்துள்ள தகவல் படி ஸ்ருஷ்டி தான் டைட்டில் வின்னர் என்றும் மைம் கோபிக்கு இரண்டாவது இடம் என்றும் விசித்ராவுக்கு மூன்றாவது இடம் என்றும் கூறப்படுகிறது. இது எந்த அளவுக்கு உண்மை என்பதை இன்றைய நிகழ்ச்சி முடியும்போது தான் தெரியவரும்.

இதுவரை நடந்த சீசன்களில் வனிதா விஜயகுமார், கனி மற்றும் ஸ்ருதிகா என மூன்று பெண் போட்டியாளர்கள் டைட்டில் பட்டம் பெற்றுள்ள நிலையில் இந்த சீசனில் ஸ்ருஷ்டி என்ற பெண் போட்டியாளர் வெற்றி பெற்றாரா? அல்லது மைம் கோபி என்ற ஆண் போட்டியாளர் வெற்றி பெற்றாரா என்பதை பொறுத்திருந்து பார்ப்போம்.