விஜய் டிவியில் ஒளிபரப்பாகி வரும் குக் வித் கோமாளி என்ற நிகழ்ச்சி மிகப்பெரிய வரவேற்பை பெற்று வருகிறது என்பதும் தற்போது ஒளிபரப்பாகி வரும் நான்காவது சீசன் வழக்கம்போல் பார்வையாளர்களின் வரவேற்பை பெற்று வருகிறது என்பதை பார்த்து வருகிறோம்.

குக் வித் கோமாளி சீசன் 4ல் 10 போட்டியாளர்கள் கலந்து கொண்ட நிலையில் அதில் இறுதி போட்டிக்கு விசித்ரா, மைம் கோபி, கிரன், ஸ்ருஷ்டி, ஷிவாங்கி மற்றும் ஆண்ட்ரியன் ஆகியோர் தகுதி பெற்றுள்ளனர்.

இந்த நிலையில் இறுதிப் போட்டியின் படப்பிடிப்பு முடிந்து விட்டதாக கூறப்படும் நிலையில் இதில் மைம் கோபி டைட்டில் வின்னர் பட்டத்தை பெற்றுள்ளதாகவும் ஸ்ருஷ்டி இரண்டாவது இடத்தையும் விசித்ரா மூன்றாவது இடத்தையும் பெற்றிருப்பதாகவும் கூறப்படுகிறது.

இந்த நிலையில் இந்த சீசனில் குக் வித் கோமாளி போட்டியாளர்கள் ஒரு எபிசோடுக்கு வாங்கிய சம்பளம் குறித்த தகவல் வைரல் ஆகி வருகிறது. ஷிவாங்கி ஒரு எபிசோடுக்கு 20,000 ரூபாய், விஜே விஷால் 25 ஆயிரம் ரூபாய், ராஜ் ஐயப்பா 26 ஆயிரம் ரூபாய், விசித்ரா, ஸ்ருஷ்டி, ஆண்ட்ரியன் தலா ரூ.30,000 ரூபாய், ஷெரின் 35 ஆயிரம் ரூபாய் மைம் கோபி 40 முதல் 50 ஆயிரம் ரூபாய் சம்பளமாக பெற்றுள்ளதாக கூறப்படுகிறது.