விஜய் டிவியில் ஒளிபரப்பாகி வரும் ரியாலிட்டி ஷோக்களில் மிகப்பெரிய வரவேற்பு பெற்ற ஷோ ‘குக் வித் கோமாளி’ என்பதும் இந்த நிகழ்ச்சியின் மூன்று சீசன்களுக்கும் ஏகப்பட்ட ரசிகர்கள் குவிந்தனர் என்பதும் தெரிந்ததே.

குறிப்பாக ’குக் கோமாளி சீசன் 3’ நிகழ்ச்சியில் கலந்து கொண்ட போட்டியாளர்கள் அனைவரும் ஒருவருக்கொருவர் விட்டுக் கொடுத்து விளையாடியதுடன் நிகழ்ச்சி முடிந்த பின்னரும் அவர்கள் நண்பர்களாகவும் தோழிகளாகவும் இருக்கின்றனர் என்பது குறிப்பிடத்தக்கது.

அந்த வகையில் ’குக் வித் கோமாளி சீசன் 3’ போட்டியாளர்களாகிய சந்தோஷ் பிரதாப், தர்ஷன், ஸ்ருதிகா மற்றும் அம்மு அபிராமி ஆகியோர் ராத்திரி நேரத்தில் பீச்சில் ஆட்டம் பாட்டம் கொண்டாட்டத்தில் ஈடுபட்ட வீடியோ வைரலாகி வருகிறது.

இந்த கொண்டாட்டத்தில் கடைசி நேரத்தில் ரோஷினியால் வரமுடியவில்லை என்ற நிலையில், ‘அடுத்த முறை சொதப்பாமல் வந்துவிடு’ என ஸ்ருதிகா அர்ஜுன் இந்த வீடியோவில் பதிவு செய்துள்ளார். அடுத்த முறை ரோஷினி வந்தால் அவரை கடலில் சேர்ந்து தள்ளி விட்டு விடுவோம் என்று அபிராமி காமெடியாக பதிவு செய்துள்ளார்.

View this post on Instagram

A post shared by Shrutika Arjun (@shrutika_arjun)