மக்கள் செல்வன் விஜய் சேதுபதி நடித்து வரும் அடுத்த திரைப்படத்தில் ‘குக் வித் கோமாளி புகழ் நடிக்க இருப்பதாக ஏற்கனவே வெளிவந்த செய்தியைப் பார்த்தோம். தற்போது இருவரும் பைக்கில் வலம் வந்து கொண்டிருக்கும் புகைப்படங்கள் சமூக வலைத்தளத்தில் வைரலாகி வருகின்றன.

சன் பிக்சர்ஸ் நிறுவனத்தின் தயாரிப்பில் பொன்ராம் இயக்கத்தில் உருவாகி வரும் பிரமாண்டமான திரைப்படத்தில் விஜய் சேதுபதி ஹீரோவாக நடித்து வருகிறார் என்பது தெரிந்ததே. இந்த படத்தின் படப்பிடிப்பு தற்போது நடைபெற்று வரும் நிலையில் இந்த படத்தில் ஒரு முக்கிய கேரக்டரில் புகழ் நடித்து வருவதாகவும் இந்த படத்தில் விஜய் சேதுபதியுடன் படம் முழுவதும் வரும் கேரக்டர் புகழுக்கு என்றும் கூறப்பட்டு வருகிறது.

இந்த நிலையில் சமூக வலைதளங்களில் விஜய் மற்றும் புகழ் நடித்த காட்சிகளின் படப்பிடிப்பு சமீபத்தில் நடந்தது. இதில் இருவரும் பைக்கில் செல்லும் காட்சி படமாக்கப்பட்டது. இந்த காட்சியின் புகைப்படங்கள் தற்போது சமூக வலைதளத்தில் வைரலாகி வருகிறது என்பது குறிப்பிடத்தக்கது.

குக் வித் கோமாளி’ புகழ் ஏற்கனவே ஹரி இயக்கத்தில் அருண்விஜய் நடித்து வரும் படத்திலும் நடித்து வருகிறார் என்பது குறிப்பிடத்தக்கது.