விஜய் டிவியில் ஒளிபரப்பாகிவரும் ’குக் வித் கோமாளி’ என்ற நிகழ்ச்சி மிகப்பெரிய வரவேற்பை பெற்று வருகிறது என்பதும், இந்த நிகழ்ச்சியில் கலந்துகொள்ளும் குக்’களும் சரி கோமாளிகளும் சரி நிகழ்ச்சிகளை சுவராசியமாக கொண்டு சென்று கொண்டு இருக்கின்றனர் என்பதும் அதன் காரணமாகத்தான் இந்த நிகழ்ச்சியை பார்வையாளர்கள் திரும்பத் திரும்ப பார்த்து வருகிறார்கள் என்பதும் குறிப்பிடத்தக்கது.

குறிப்பாக இந்த நிகழ்ச்சியின் போட்டியாளர்களில் ஒருவரான பவித்ரா மீது புகழ் ரொமான்ஸ் செய்வதும், புகழ் மீது பவித்ரா ரொமான்ஸ் செய்வதும் சுவராசியமான காட்சிகளாக இருக்கும் என்பது குறிப்பிடத்தக்கது.

இந்த நிலையில் பவித்ரா லட்சுமி தனது சமூக வலைத்தள பக்கங்கள் குறித்து ஒரு விளக்கத்தை அளித்துள்ளார். அந்த விளக்கத்தில் ’தெளிவான வீடியோ என்று அறிவாளித்தனமாக ஏதோ பண்ணியிருக்கேன், இதுக்கும் ஏதாச்சும் கண்டுபிடித்து காப்பி அடிக்காமல் இருந்தால் சரி’ என்ற தலைப்புடன் பதிவு செய்யப்பட்டுள்ள வீடியோவில் அவர் கூறியிருப்பதாவது:

கடந்த முறை நான் ஒரு வீடியோவை எனது டுவிட்டரில் பதிவு செய்து இருந்தேன். ஆனால் அந்த வீடியோ தற்போது பல பக்கங்களில் பகிரப்பட்டு வருகிறது. என்னுடைய வீடியோ வெளியான ஒரு சில நிமிடங்களிலேயே பல பக்கங்களில் பகிரப்பட்டது. அதுமட்டுமின்றி நானே பதிவு செய்வது போல் அமைக்கப்பட்டு இருந்தது.

ஆனால் இது ஒன்று தான் என்னுடைய அதிகாரப்பூர்வ பக்கம். மற்ற பக்கங்கள் அனைத்தும் என் மீது வைத்துள்ள அன்பின் காரணமாக ஒரு சிலர் ஆரம்பித்த பக்கங்கள் என்பது குறிப்பிட்டு கொள்கிறேன். என்னுடைய அதிகாரபூர்வ பக்கங்கள் தவிர மற்ற பக்கங்களை நடத்துபவர்கள் என்னை விட மிகவும் ஆக்டிவாக இருக்கின்றார்கள். என்னை விட அதிக ஃபாலோயர்களை வைத்து இருக்கிறார்கள். அதற்காக அவர்களுக்கு நன்றியும் பெருமையும் கொள்கிறேன்.

ஆனால் அதே நேரத்தில் என்னுடைய பக்கங்கள் இருக்கும் பதிவுகளுக்கு மட்டுமே நான் பொறுப்பேற்கிறேன். மற்ற பக்கங்களில் பதிவு செய்யப்படும் கருத்துக்களுக்கு என்னால் பொறுப்பேற்க முடியாது. ஆனால் அதே நேரத்தில் என்னை விட அதிகமாக ஆக்டிவாக வைத்திருந்து, எனக்கு பாப்புலாரிட்டி பெற்றுக்கொடுக்கும் அனைவருக்கும் எனது நன்றி’ என்று கூறியுள்ளார். பவித்ரா லட்சுமியின் இந்த வீடியோ தற்போது வைரல் ஆகி வருகிறது
 

Thelivaana video nu arivaali thanama edho pannirukken. Ithukkum edhachum tricks kandupidichu copy adikkama iruntha seri?? pic.twitter.com/mXu5ZjmYcT

— pavithralakshmi (@itspavitralaksh) February 5, 2021