'குக் வித் கோமாளி' சீசன் 2: மணிமேகலைக்கு கிடைத்த விருது என்ன தெரியுமா?
- IndiaGlitz, [Thursday,April 15 2021]
விஜய் டிவியில் ஒளிபரப்பான ’குக் வித் கோமாளி என்ற நிகழ்ச்சி நேற்றுடன் முடிவடைந்தது என்பதும் நேற்றைய நிகழ்ச்சியில் கனி டைட்டில் வின்னராகவும், இரண்டாவது இடத்தைப் ஷகிலாவும் மூன்றாவது இடத்தை அஸ்வினும் பெற்றனர் என்பதும் குறிப்பிடத்தக்கது
கிட்டத்தட்ட 5 மணி நேரம் ஒளிபரப்பாகிய இந்த நிகழ்ச்சியில் கலை நிகழ்ச்சிகள் மற்றும் சிறப்பு விருந்தினர்களின் வருகை ஆகியவை நிகழ்ச்சியின் சிறப்பாக அமைந்தது என்பது குறிப்பிடத்தக்கது
இந்த நிலையில் இந்த நிகழ்ச்சியில் கலந்து கொண்ட ஒவ்வொரு கோமாளிகளுக்கும் சிறப்பு விருதுகள் வழங்கப்பட்டன. அந்த வகையில் மிகச்சிறந்த கோமாளில் ஒருவரான மணிமேகலைக்கு ’கண்டெண்ட் குயின்’ என்ற விருது வழங்கப்பட்டது. இந்த விருதுடன் கூடிய தனது புகைப்படத்தை வெளியிட்டுள்ள மணிமேகலை இந்த விருதால் தனக்கு வேற லெவல் ஹாப்பி என்று குறிப்பிட்டுள்ளார்
மேலும் உங்கள் எல்லோருடைய பாராட்டுகளும் ஒவ்வொரு எபிசோட்லும் என்னை மேலும் நன்றாக செய்ய வேண்டுமென ஊக்குவித்தது என்றும் அனைவருக்கும் நன்றி என்றும் குறிப்பாக குக் வித் கோமாளி டீமுக்கும் நன்றி என்றும் இந்த விருது எனக்கு மிகப்பெரிய பெருமைக்குரிய விருது என்றும் அவர் தெரிவித்துள்ளார். மணிமேகலையின் இந்த புகைப்படம் தற்போது வைரலாகி வருகிறது