எல்லா புகழும் 'குக் வித் கோமாளி' நிகழ்ச்சிக்கே: அஸ்வின்
- IndiaGlitz, [Wednesday,March 17 2021]
விஜய் டிவியில் ஒளிபரப்பாகி வரும் ’குக் வித் கோமாளி’ என்ற நிகழ்ச்சி எதிர்பார்த்ததை விட மிகப்பெரிய ஹிட் ஆகியுள்ள நிலையில் இந்த நிகழ்ச்சியில் கலந்து கொண்ட குக்’கள் சிலருக்கும் கோமாளிகள் சிலருக்கும் திரையுலக வாய்ப்புகள் கிடைத்துள்ளன என்பது குறிப்பிடத்தக்கது
இந்த நிலையில் ’குக் வித் கோமாளி’ நிகழ்ச்சியின் மூலம் இளம் பெண்களின் மனதில் இடம் பிடித்த அஸ்வின் சமீபத்தில் சென்னையில் ரெஸ்டாரண்ட் ஒன்றை திறந்து வைத்து பேசினார். அப்போது அவர் பேசியபோது ’இந்த நிகழ்ச்சியில் கலந்து கொள்வதில் எனக்கு பெருமையாக இருக்கிறது. நான் இதுவரை எந்த நிகழ்ச்சிக்கும் சென்றது கிடையாது. முதல் முதலாக இந்த நிகழ்ச்சியில் கலந்து கொண்டுள்ளேன். ரொம்ப சந்தோஷமாக இருக்கிறது
இத்தனை ’மைக்க்குகள் என் முன் இருந்ததே கிடையாது. இந்த வாய்ப்பு அவ்வளவு எளிதில் கிடைக்காது. இப்படி ஒரு புகழும் பெருமையும் எனக்கு கிடைத்ததற்கு முக்கியமான காரணம் ’குக் வித் கோமாளி’ என்ற நிகழ்ச்சி தான். அதற்காக நான் நன்றி தெரிவித்து கொள்கிறேன். எனக்காக இத்தனை பேர் வருகை தந்தமைக்கு மிகவும் நன்றி’ என்று கூறினார். அஸ்வினின் இந்த வீடியோ தற்போது வைரல் ஆகி வருகிறது