’குக் வித் கோமாளி’ நிகழ்ச்சியின் மூலம் பிரபலமடைந்த புகழ் மற்றும் அம்மு அபிராமி நடிக்கும் படத்தின் பூஜை நேற்று நடைபெற்றது. இந்த பூஜையில் செய்தி ஒளிபரப்புத்துறை அமைச்சர் கலந்துகொண்டு படப்பிடிப்பை தொடங்கி வைத்தார்

குக் வித் கோமாளி நிகழ்ச்சியின் மூலம் பிரபலமடைந்த பலர் தற்போது திரையுலகிலும் ஜொலித்து வருகின்றனர் என்பதை ஏற்கனவே பார்த்தோம். இந்த நிலையில் ஏற்கனவே பல திரைப்படங்களில் நடித்து வரும் புகழ் நடிக்கும் புதிய படத்தின் துவக்க விழா நேற்று நடைபெற்றது

திருப்பூரில் நேற்று நடைபெற்ற இந்த படத்தின் தொடக்க விழாவில் செய்தி ஒளிபரப்பு துறை அமைச்சர் சாமிநாதன் கலந்து கொண்டார். இந்த படத்திற்கு ’பாலமுருகனின் குதூகலம்’ என்ற டைட்டில் வைக்கப்பட்டுள்ளது. இந்த படத்தில் பாலமுருகன் என்பவர் ஹீரோவாகவும், அம்மு அபிராமி ஹீரோயினாகவும் நடிக்கவுள்ளனர். இந்த படத்தில் ஒரு முக்கிய கேரக்டரில் புகழ் நடிக்க உள்ளார் என்றும் இந்த படத்தின் கதை திருப்பூரில் மையமாக வைத்து உருவாக்கப்பட்டிருப்பதால் இந்த படத்தின் படப்பிடிப்பும் திருப்பூரில் நடைபெறவுள்ளதாக படக்குழுவினர் தெரிவித்துள்ளனர்.