கவர்ச்சியை தாண்டி கடின உழைப்பு.. தர்ஷா குப்தாவின் லேட்டஸ்ட் வீடியோ
- IndiaGlitz, [Monday,January 02 2023]
சன்னிலியோன் நடித்த ‘ஓ மை கோஸ்ட்’ என்ற படத்தின் படப்பிடிப்பு வீடியோவை வெளியிட்டுள்ள நடிகை தர்ஷா குப்தா, ‘கவர்ச்சியை தாண்டி கடின உழைப்பையும் நடிப்புத் திறனையும் காட்டுங்கள் என்று கூறிய அனைவருக்கும் இந்த வீடியோ சமர்ப்பணம் என்று பதிவு செய்து வீடியோ ஒன்றை வெளியிட்டுள்ளார். அந்த வீடியோ தற்போது வைரல் ஆகி வருகிறது.
‘குக் வித் கோமாளி’ என்ற நிகழ்ச்சியின் மூலம் பிரபலமான தர்ஷா குப்தா, அதன் பின்னர் மோகன் ஜி இயக்கத்தில் உருவான ’ருத்ர தாண்டவம்’ என்ற திரைப்படத்தில் நாயகியாக நடித்தார். இந்த நிலையில் தற்போது அவர் சன்னி லியோன் மற்றும் சதீஷ் உடன் நடித்த ’ஓ மை கோஸ்ட்’ என்ற திரைப்படம் சமீபத்தில் வெளியாகி நல்ல வரவேற்பை பெற்று வருகிறது.
இந்த நிலையில் இந்த படத்தில் தலைகீழாக தொங்கும் ஆக்ஷன் காட்சி ஒன்றில் தர்ஷா குப்தா நடிக்கும் போது எடுக்கப்பட்ட வீடியோவை தனது சமூக வலைத்தளத்தில் பதிவு செய்துள்ளார். இந்த வீடியோவில், ‘கவர்ச்சியை தாண்டி உங்களின் கடின உழைப்பையும் நடிப்புத் திறனையும் காட்டுங்கள் என்று கூறிய அனைவருக்கும் ’ஓ மை கோஸ்ட்’ படத்தின் வீடியோவை வெளியிட்டு சமர்ப்பிக்கிறேன்’ என்று கூறியுள்ளார். இந்த வீடியோவில் அவர் ரிஸ்க் எடுத்து தலைகீழாக தொங்கும் காட்சியில் நடித்துள்ளார். இந்த வீடியோவுக்கு ஏராளமான கமெண்ட்ஸ் குவிந்து உள்ளது.