விஜய் டிவியில் ஒளிபரப்பாக இருக்கும் ’குக் வித் கோமாளி’ நிகழ்ச்சியின் ஐந்தாவது சீசன் புரமோ வீடியோ சமீபத்தில் வெளியானது என்பதும் இதனை அடுத்து ஐந்தாவது சீசன் ஒளிபரப்பாகுமா? என்ற சந்தேகத்திற்கு முற்றுப்புள்ளி வைக்கப்பட்டது என்பதையும் ஏற்கனவே பார்த்தோம்.

இந்த நிலையில் அடுத்த கட்டமாக இந்த நிகழ்ச்சியில் கலந்து கொள்ள இருக்கும் போட்டியாளர்கள் மற்றும் புதிய கோமாளிகள் குறித்த தகவல் தற்போது வெளியாகியுள்ளது. இந்த நிகழ்ச்சியில் கலந்து கொள்ள இருக்கும் சில குக்குகள் மற்றும் புதிய கோமாளிகள் குறித்த தகவலை தற்போது பார்ப்போம்.

’குக் வித் கோமாளி’ சீசன் 5 நிகழ்ச்சியின் போட்டியாளர்களாக நடிகை வடிவுக்கரசி, டப்பிங் ஆர்டிஸ்ட் தீபா வெங்கட், நடிகர் தம்பி ராமையா மகன் உமாபதி, சீரியல் நடிகர் மற்றும் பிக் பாஸ் போட்டியாளர் விஷ்ணு விஜய், டான்ஸ் மாஸ்டர் ஸ்ரீதர் மகள் அக்ஷதா மற்றும் ’பாண்டியன் ஸ்டோர்ஸ்’ நடிகை ஹேமா ஆகியோர் போட்டியாளர்களாக களமிறங்க இருப்பதாக கூறப்படுகிறது.

அதேபோல் இந்த நிகழ்ச்சியின் கோமாளிகளாக ஏற்கனவே கடந்த சீசன்களில் வந்த புகழ், சுனிதா, குரேஷி மற்றும் மோனிஷா இந்த சீசனிலும் தொடர இருப்பதாகவும், புதிதாக விஜய் டிவி புகழ் ராமர், பிக் பாஸ் கூல் சுரேஷ், காத்து கருப்பு கலை, சோபா விளம்பர சிறுவன் ரசூல் ஆகியோர் கோமாளிகளாக பங்கேற்க இருப்பதாக தகவல் வெளியாகியுள்ளது.

மொத்தத்தில் இந்த சீசன் மற்ற சீசன்களை போல் களைகட்டும் என்பது குக்குகள் மற்றும் கோமாளிகள் தேர்வில் இருந்து தெரியவந்துள்ளது.