திரையில் தான் வில்லன்.. நிஜத்தில் ஹீரோவான 'குக் வித் கோமாளி' டைட்டில் வின்னர்..!
- IndiaGlitz, [Saturday,February 17 2024]
திரையில் வில்லனாக நடித்த நம்பியார் முதல் பல நடிகர்கள் நிஜத்தில் ஹீரோவாகி செய்த சாதனைகள் பலர் அறிந்தது. அந்த வகையில் பல திரைப்படங்களில் வில்லனாக நடித்த குக் வித் கோமாளி டைட்டில் வின்னர் மைம் கோபி செய்த நெகிழ்ச்சியான செயல் தற்போது இணையத்தில் வைரல் வைரல் ஆகி வருகிறது.
விஜய் டிவியில் ஒளிபரப்பான குக் வித் கோமாளி சீசன் 4 நிகழ்ச்சியில் டைட்டில் வின்னராக ஜெயித்தவர் மைம் கோபி என்பதும் அவர் அந்த நிகழ்ச்சியின் போது புற்றுநோயால் பாதிக்கப்பட்ட குழந்தைகளுக்கு உதவி செய்து வருவதாகவும், இன்னும் பல உதவிகளை செய்ய தயாராக இருப்பதாகவும் கூறியிருந்தார். இந்த நிலையில் தற்போது அவர் மேலும் ஒரு உதவி செய்துள்ளார்.
ஏற்கனவே தனக்கு வரும் வருமானத்தின் ஒரு பகுதியை சமூக சேவைக்காக செலவு செய்து வரும் மைம் கோபி, ’குக் வித் கோமாளி’ நிகழ்ச்சியில் வெற்றி பெற்றால் அந்த பணத்தை புற்று நோயால் பாதிக்கப்பட்ட மக்களுக்கு கொடுத்து விடுவேன் என்று வாக்குறுதி அளித்திருந்தார்.
அந்த வகையில் தற்போது அவர் புற்றுநோயால் பாதிக்கப்பட்டவர்களை விமானத்தில் அழைத்துச் சென்றுள்ளார். வாழ்க்கையில் ஒரு முறையாவது விமானத்தில் செல்ல வேண்டும் என்ற ஏக்கத்தில் இருக்கும் புற்றுநோயால் பாதிக்கப்பட்டவர்கள், வாழ்க்கையையே சவாலாக வாழ்ந்து கொண்டிருக்கும் நிலையில் அவர்களை விமானத்தில் அழைத்துச் சென்று அவர்களை மகிழ்ச்சிக்கு உள்ளாக்கிய மைம் கோபிக்கு பாராட்டுக்கள் குவிந்து வருகிறது.