ஒரு வாரத்திற்கு பின் மீண்டும் ஆரம்பித்தது சண்டை.. ஓப்பன் நாமினேஷனில் கடும் வாக்குவாதம்..!
- IndiaGlitz, [Monday,December 25 2023]
பிக் பாஸ் சீசன் 7 நிகழ்ச்சியில் ஆரம்பத்தில் இருந்தே போட்டியாளர்கள் தங்களுக்குள் சண்டை சச்சரவு போட்டு வந்த நிலையில் கடந்த வாரம் மட்டும் சண்டை இல்லாமல் இருந்தது. போட்டியாளர்களின் உறவினர்கள் வந்ததால் நெகிழ்ச்சி, அன்பு, பாசம், ஆனந்த கண்ணீர் ஆகியவை ஒரு வாரம் முழுவதும் தென்பட்டது என்பதும் அனேகமாக இந்த சீசனில் கடந்த வாரம்தான் சண்டை இல்லாத வாரம் என்று சொல்லலாம்
ஆனால் இந்த வாரம் மீண்டும் சண்டை தொடங்கிவிட்டது. ஒவ்வொரு வாரமும் திங்கட்கிழமை நாமினேஷன் நடைபெறும் நிலையில் இந்த வாரம் ஓப்பன் நாமினேஷன் நடைபெறுகிறது.
முதல் கட்டமாக நிக்சனை ரவீனா, தினேஷ், அர்ச்சனா ஆகியோர் நாமினேஷன் செய்கின்றனர். அப்போது நிக்சன், ’க்ளோஸ் நாமினேஷனில் ஒரு சீனும், ஓப்பன் நாமினேஷனில் ஒரு சீனும் நடக்கிறது’ என்று சொல்ல அப்போது மாயா விசில் அடிக்கிறார்
இதனையடுத்து மாயாவை ரவீனா, விஷ்ணு ஆகியோர் நாமினேட் செய்கின்றனர். அப்போது மாயா, ‘ரொம்ப கேவலமா நாமினேஷனுக்கான காரணத்தை சொல்கின்றனர்’ என்று கூற, அப்போது விஷ்ணு எதிர்த்து பேச, ’நான் உன்னை பற்றி பேசவில்லை’ மாயா பதிலளிக்க, ‘நீ ரொம்ப நக்கலா பேசுற’ என்று கூற, அதற்கு மாயா ’போ’ என்று அசால்டாக சொல்கிறார். இதனையடுத்து விஷ்ணு ஆவேசப்படும் காட்சிகளுடன் இன்றைய புரமோ வீடியோ முடிவு பெறுகிறது
மொத்தத்தில் இந்த ஓப்பன் நாமினேஷன் காரணமாக போட்டியாளர்களுக்குள் மீண்டும் சண்டை சச்சரவு தொடங்கி விட்டதால் பரபரப்பு ஏற்பட்டுள்ளது.