தனது வீட்டின் அருகே மர்ம டிரக் ஒன்று கடந்த 10 நாட்களாக நிற்பதாகவும், அந்த டிரைக்கில் நம்பர் பிளேட் கூட இல்லை என்றும் நடிகையும் அரசியல்வாதியுமான குஷ்பு பதிவு செய்த ஒரு டுவிட்டுக்கு உடனடியாக சென்னை போலீசார் நடவடிக்கை எடுத்து அவரை அசத்தியுள்ளனர்.

சென்னை சாந்தோம் நெடுஞ்சாலையில் குஷ்புவின் வீடு அமைந்துள்ள தெருவில் கடந்த பத்து நாட்களாக கண்டெய்னருடன் கூடிய டிரக் ஒன்று நம்பர் பிளேட் இல்லாமல் நின்று கொண்டிருந்தது. அந்த பகுதியில் உள்ள யாரும் அந்த டிரைக்கை கண்டுகொள்ளவில்லை. பதிவெண் கூட இல்லாமல் நின்று கொண்டிருந்த அந்த டிரக் மீது சந்தேகம் கொண்ட குஷ்பு உடனடியாக சென்னை போலீஸாருக்கு டேக் செய்து ஒரு டுவீட்டை பதிவு செய்தார். இந்த டுவீட் பதிவு செய்யப்பட்ட அடுத்த சில நிமிடங்களில் அதிரடியாக களமிறங்கிய சென்னை போலீஸ் உடனடியாக அந்த டிரக்கை பறிமுதல் செய்து விசாரணை செய்து வருகின்றனர்.

பின்னர் குஷ்புவை பாராட்டிய போலீசார், இனிமேல் இதுபோல் தவறு நடப்பதை அறிந்தால் காவல்துறையின் GCTP என்ற செயலியில் புகார் செய்யுமாறு அறிவுறுத்தினர். காவல்துறையின் அதிரடி நடவடிக்கைக்கும், ஆலோசனைக்கும் குஷ்பு நன்றியும் பாராட்டும் தெரிவித்துள்ளார்.

This container has been parked at the corner of our street for the last 10days..not even a single citizen around that has even bothered to check or complain..it raises suspicion as it does even have a no.plate..urge @chennaipolice_ to kindly look into it immediately. pic.twitter.com/DZPt5Iy3R9

— KhushbuSundar ❤️❤️❤️ (@khushsundar) June 22, 2019