சூப்பர் ஸ்டார் ரஜினிகாந்த் அரசியலுக்கு வருவதற்கான அனைத்து பணிகளையும் முடித்துவிட்டதாகவும் விரைவில் அவர் தனது ரஜினி மக்கள் மன்றத்தை அரசியல் கட்சியாக மாற்றும் அறிவிப்பை வெளியிடுவார் என்றும் எதிர்பார்க்கப்படுகிறது. இந்த நிலையில் ரஜினி அரசியலுக்கு வரமாட்டார் என்று இன்னும் ஒருசிலர் கூறி வருகின்றனர். அந்த வகையில் காங்கிரஸ் எம்பி மாணிக் தாக்கூர் இன்று அளித்த பேட்டியில் கூறியதாவது:

ரஜினி ஒரு நல்ல நடிகர், அவருக்குப் பல ரசிகர்கள் இருக்கிறோம். அவர் அரசியலுக்கு வர மாட்டார் என நினைக்கிறேன். அரசியலில் பிரியமில்லாத செயல்பாடுகளைத் தான் செய்து வருகிறார். ரஜினி அர்ஜுன் சம்பத் போன்றவர்களுடன் இணைந்து பேசிக்கொண்டிருப்பது நாகரிகமாக இல்லை.

ரஜினி அரசியலுக்கு வருவது குறித்து சுப்பிரமணியசாமி கூறிய கருத்து கேவலமானது. அரசியல் அனைவருக்குமானது. யார் அரசியலுக்கு வந்தாலும் அவர்கள் பாராட்டப்பட வேண்டும். இதில் மதத்தையோ, சாதியையோ கொண்டுவருவது கேவலமானது. ரஜினி அரசியலுக்கு வந்தால் முதல்வர் பொறுப்பை ஏற்க மாட்டேன் என்கிற நிலைப்பாடு வரவேற்கத்தக்கது’ என்று கூறினார்.