சூப்பர் ஸ்டார் ரஜினிகாந்த் ஒரே ஒரு நாள் தூத்துகுடி சென்று வந்து அதன் பின்னர் கொடுத்த பேட்டி தமிழக அரசியலில் பெரும் புயலை கிளப்பியுள்ளது. கடந்த இரண்டு நாட்களாக ரஜினி குறித்து செய்தி வெளியிடாத ஊடகமே இல்லை என்று கூறும் அளவிற்கு அவர் டிரெண்டில் உள்ளார்.

இந்த நிலையில் ரஜினி மீது பெரும்பாலான அரசியல்வாதிகள் மற்றும் நெட்டிசன்கள் வைக்கும் குற்றச்சாட்டு, அவர் பாஜக ஆதரவாளர் என்பதுதான். இந்த நிலையில் இன்று திடீரென பாஜகவுக்கு எதிரான கட்சியான காங்கிரஸ் கட்சியின் பிரமுகர் கராத்தே தியாகராஜன் ரஜினியை அவரது போயஸ் கார்டன் இல்லத்தில் சந்தித்து ஆலோசனை நடத்தினார்.

இந்த சந்திப்பில் கராத்தே தியாகராஜனுடன் ரஜினிகாந்த் தற்போதைய அரசியல் சூழல் குறித்து ஆலோசனை செய்ததாக தெரிகிறது. இதுவொரு மரியாதை நிமித்த சந்திப்பா? அல்லது புதிய கூட்டணிக்கு அச்சாரமா? என்பது போகப்போகத்தான் தெரியும் என்று அரசியல் விமர்சகர்கள் கருத்து கூறி வருகின்றனர்.