நடிப்பு நாயகன் மோகன்லாலுக்கு பிறந்த நாள் நல்வாழ்த்துக்கள்!
- IndiaGlitz, [Friday,May 21 2021]
மலையாள சூப்பர் ஸ்டார் மற்றும் நடிப்பு நாயகன் மோகன்லால் இன்று தனது 61வது பிறந்த நாளை கொண்டாடி வரும் நிலையில் அவருக்கு ஒட்டுமொத்த இந்திய திரையுலகினர் பிறந்தநாள் நல்வாழ்த்துக்களை தெரிவித்து வருகின்றனர். அந்த வகையில் நாமும் நம்முடைய மனம் கனிந்த பிறந்தநாள் வாழ்த்துக்களை தெரிவித்துக் கொள்வோம்
நடிகர் மோகன்லால் கடந்த 1980ஆம் ஆண்டு பாசில் இயக்கிய ’மஞ்சில் விரிஞ்ச பூக்கள்’ என்ற திரைப்படத்தின் மூலம் அறிமுகமானார். அதன் பின்னர் அவர் பல வெற்றி படங்களை தொடர்ச்சியாக கொடுத்து வந்தார் என்பதும் கடந்த 1996ஆம் ஆண்டு ’பரதம்’ என்ற திரைப்படத்திற்காக தேசிய விருதைப் பெற்றார் என்பதும் குறிப்பிடத்தக்கது. இரண்டாவது முறையாக ’வனப்பிரஸ்தம்’ என்ற திரைப்படத்திற்கும் அவருக்கு தேசிய விருது கிடைத்தது என்பது குறிப்பிடத்தக்கது
மேலும் தமிழ் ரசிகர்களுக்கும் மோகன்லால் பரிச்சயமானவர் என்பது தெரிந்ததே. மணிரத்தினம் இயக்கிய ’இருவர்’ கமல்ஹாசன் நடித்த ’உன்னைப் போல் ஒருவன்’ விஜய் நடித்த ’ஜில்லா’ உள்ளிட்ட படங்களிலும் அவர் நடித்துள்ளார் என்பதும் குறிப்பிடத்தக்கது. நடிகர் மோகன்லால் நடித்த ’த்ரிஷ்யம்’ திரைப்படம் இந்தியாவில் மிகப்பெரிய வெற்றி பெற்ற படங்களில் ஒன்று என்பதும் இந்த படம் தமிழ் உள்பட கிட்டத்தட்ட அனைத்து இந்திய மொழிகளிலும் ரீமேக் செய்யப்பட்டது என்பதும் குறிப்பிடத்தக்கது.