మెహరీన్ పై ప్రొడ్యూస‌ర్స్ కౌన్సిల్‌ లో పిర్యాదు
- IndiaGlitz, [Tuesday,November 27 2018]
పంజాబీ ముద్దుగుమ్మ మెహరీన్ కౌర్‌కి ఈ మ‌ధ్య స‌రైన హిట్ చిత్రాలు రావ‌డం లేదు. దీంతో చిత్రాల ఎంపిక‌లో మ‌రీ అచి తూచి అడుగులు వేయ‌డానికి మెహరీన్ ఆలోచిస్తుంది. ఇప్పుడు ఈ అమ్మ‌డుపై రిజ్వాన్ ఎంట‌ర్‌టైన్‌మెంట్స్ అధినేత రిజ్వాన్ ప్రొడ్యూస‌ర్స్ కౌన్సిల్‌లో పిర్యాదు చేశార‌ని వార్త‌లు విన‌ప‌డుతున్నాయి.
వివ‌రాల్లోకెళ్తే.. రిజ్వాన్ ఎంట‌ర్‌టైన్‌మెంట్ సుధీర్‌బాబుతో సినిమా చేయాల్సి ఉంది. అంతా ఓకే అనుకున్నారు. ఈ సినిమాలో హీరోయిన్‌గా మెహరీన్ ఫిక్స్ అయ్యింది. ఈమెకు నిర్మాత‌లు అడ్వాన్స్ కూడా ఇచ్చేశారు. ఈ సినిమా నుండి సుధీర్‌బాబు అర్ధాంత‌రంగా చేయ‌లేన‌ని వైదొలిగాడు.
ఇప్పుడు ఆ ప్లేస్‌లో మెగాస్టార్ చిరంజీవి అల్లుడు క‌ల్యాణ్‌దేవ్ వ‌చ్చాడు. అయితే క‌ల్యాణ్‌దేవ్‌తో న‌టించ‌డానికి మెహ‌రీన్‌కి ఆస‌క్తిలేక సినిమాలో న‌టించ‌న‌ని చెప్పేసింద‌ట. ఆమె తీసుకున్న అడ్వాన్స్ కూడా తిరిగి ఇవ్వ‌డం లేద‌ట. దాంతో నిర్మాత‌లు చేసేది లేక ప్రొడ్యూస‌ర్స్ కౌన్సిల్స్‌లో కంప్లైంట్ చేశార‌ని సినీ వ‌ర్గాలు అనుకుంటున్నాయి.