'கோட்' ரிலீஸ் தினத்தில் விடுமுறை அளித்த நிறுவன உரிமையாளர்.. அஜித்தின் தீவிர ரசிகர்..!
- IndiaGlitz, [Wednesday,September 04 2024]
தளபதி விஜய் நடித்த ’கோட்’ திரைப்படம் நாளை வெளியாக இருக்கும் நிலையில் முன்னணி நிறுவனம் ஒன்று தனது ஊழியர்களுக்கு விடுமுறை அளித்துள்ளதாக கூறப்படுகிறது. இதில் ஒரு ஆச்சரியம் என்னவென்றால் இந்த நிறுவனத்தின் உரிமையாளர் தீவிர அஜித் ரசிகர் என்பது குறிப்பிடத்தக்கது.
தளபதி விஜய் நடித்த ’கோட்’ திரைப்படம் நாளை வெளியாக இருக்கும் நிலையில் முதல் நாள் முதல் காட்சியை காண ரசிகர்கள் பலர் திட்டமிட்டுள்ளனர் என்பதும் இதற்காக பலர் தங்கள் அலுவலகத்திற்கு விடுமுறை எடுத்திருப்பதாகவும் கூறப்படுகிறது.
இந்த நிலையில் முன்னணி நிறுவனம் ஒன்றின் உரிமையாளர் விக்னேஷ் முரளிதரன் என்பவர் தீவிர அஜித் ரசிகராக இருந்தாலும் தனது நிறுவனத்தின் ஊழியர்கள் அனைவருக்கும் நாளைய தினம் ’கோட்’ படத்தை பார்க்க வசதியாக ஒரு நாள் விடுமுறை அளித்துள்ளார். அது மட்டும் இன்றி ஊழியர்களுக்கு சிறப்பு பரிசாக ’கோட்’ படத்தின் டிக்கெட்டையும் அவர் அளித்துள்ளார்.
நாளைய தினத்தில் ஊழியர்கள் எப்படியும் ஏதாவது ஒரு காரணம் சொல்லி விடுமுறை எடுப்பார்கள், அதற்கான தேவை இன்றி நாளைய தினத்தை ஊழியர்கள் கொண்டாடும் வகையில் விடுமுறை அளிக்கப்படுவதாக விக்னேஷ் முரளிதரன் தெரிவித்துள்ளார்.
விடுமுறை அளித்தது மட்டுமின்றி இலவசமாக டிக்கெட்டும் தங்களது நிறுவன உரிமையாளர் வாங்கி கொடுத்ததை அடுத்து ஊழியர்கள் நாளை மகிழ்ச்சியுடன் ’கோட்’ படத்தை பார்க்க உள்ளனர் என்பது குறிப்பிடத்தக்கது.