அஜித்தை பார்த்தவுடன் 2 நாட்களுக்கு எனக்கு நடிப்பே வரவில்லை : சூரி
- IndiaGlitz, [Saturday,February 20 2016]
கோலிவுட் திரையுலகினர் அஜித்தை ஒரு நடிகராக மட்டும் யாரும் பார்ப்பதில்லை. அவரை ஒரு நல்ல மனிதராக பிரமிப்புடன் அனைவரும் பார்த்து வருவது தெரிந்ததே. அதிலும் குறிப்பாக எவ்வளவு பெரிய நடிகராக இருந்தாலும் முதன்முதலாக அஜித்துடன் நடிப்பவராக இருந்தால் அவர் அடையும் பிரமிப்பிற்கு அளவே இருக்காது.
அந்த வகையில் சமீபத்தில் அஜித்தை பார்த்து பிரமிப்பு ஆனவர் காமெடி நடிகர் சூரி. அஜித்துடன் முதன்முதலாக 'வேதாளம்' படத்தில் நடித்த அனுபவம் குறித்து சூரி கூறியபோது, 'நான் எந்த படத்தில் நடித்தாலும் ஷூட்டிங் ஸ்பாட்டுக்கு போய்விட்டால் இயக்குனர் எனக்கு கொடுத்த கேரக்டரில் மூழ்கி நடித்துவிடுவேன்.
ஆனால் அஜித்துடன் நடிக்கும்போது மட்டும் என்னால் இரண்டு நாட்களுக்கு நடிக்கவே முடியவில்லை. நீங்கள் அஜித்தை எதிர்பாராமல் திடீரென பார்த்தால் எப்படி பிரமித்து போய் செய்வதறியாது நிற்பீர்களோ அதுபோலவே நான் எனக்கு கொடுத்த கேரக்டரையும் மறந்து, நடிப்பையும் மறந்து அவரையே பிரமிப்புடன் பார்த்துக்கொண்டே இருந்தேன்' என்று கூறியுள்ளார்.